ចំនួនអ្នកស្លាប់ដោយសារវីរុសកូរ៉ូណា នៅអាមេរិចបានហក់ឡើងមកដល់ ៣២.៩១៧នាក់ នៅថ្ងៃព្រហស្បីត៍ (ថ្ងៃសុក្រនៅកម្ពុជា)។ នេះបើតាមតួលេខរបស់សកលវិទ្យាល័យ Johns Hopkins។
តួលេខកើនឡើងដ៏ខ្លាំងបែបនេះ កើតឡើងបន្ទាប់ពីមានអ្នកស្លាប់បន្ថែមចំនួន ៤.៤៩១នាក់ ត្រឹមរយៈពេល ២៤ម៉ោងចុងក្រោយ ដែលវាគឺជាតួលេខស្លាប់ប្រចាំថ្ងៃដ៏ខ្ពស់បំផុត ចាប់តាំងពីមានការផ្ទុះវីរុសមរណៈនេះនៅអាមេរិចមក។
ប៉ុន្តែតួលេខស្លាប់នោះ ទំនងជាបូករួមទាំងអ្នកស្លាប់ដោយសារជំងឺ ទាក់ទងនឹងវីរុស COVID-19។
សូមបញ្ជាក់ថា អាមេរិចមានអ្នកស្លាប់ដោយសារ COVID-19 ច្រើនបំផុតលើលោក តាមពីក្រោយដោយអ៊ីតាលី ដែលមានអ្នកស្លាប់សរុប ២២.១៧០នាក់ និងអេស្ប៉ាញ ១៩.១៣០នាក់។
ក្រៅពីអ្នកស្លាប់ច្រើន អាមេរិចក៏មានអ្នកឆ្លងច្រើនបំផុតផងដែរ ជាមួយនឹងតួលេខ ៦៦៧.៨០០ករណី៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
