បន្ទាយមានជ័យ ៖ ដំណើរការសាងសង់ស្ពានច្រកព្រំដែនថ្មីស្ទឺងបត់-ណងអៀន ត្រូវតែអោយបានរលូន លទ្ធផលរហ័សនិងមានប្រសិទ្ធិភាពខ្ពស់ ហើយឆ្លើយតបបាននឹងការណៃនាំរបស់ប្រមុខរាជរដ្ឋាភិបាលនិងក្រសួងស្ថាប័នពាក់ព័ន្ធនៃប្រទេសទាំង២ ។
ហេតុនេះ មន្ត្រីអាជ្ញាធរនិងមន្ត្រីជំនាញកម្ពុជា ថៃបានទំនាក់ទំនាក់គ្នាជាប្រចាំដើម្បីសម្របសម្រួលការងារ ។
កាលពីថ្ងៃទី១៩មករាឆ្នាំ២០១៨ លោក គឺម សុវណ្ណ ប្រធានមន្ទិរសាធារណការនិងដឹកជញ្ជូនខេត្ត លោកលី សារី អភិបាលរងខេត្តបន្ទាយមានជ័យនិងមន្ត្រីកងទ័ពវិស្វកម្មភូមិន្ទថៃ ក៏ដូចជាក្រុមហ៊ុនថៃទទួលបន្ទុកសាងសង់បានជួបប្រាស្រ័យទំនាក់ទំនងដើម្បីសម្របសម្រួលដំណើរការសាងសង់នោះជាថ្មីទៀត។
លោកអនុសេនីយ៍នៃកងវិស្វកម្មកងទ័ពភូមិន្ទថៃប្រចាំការនៅការដ្ឋានអោយដឹងថា៖ ដំណើរការស្ថាបនាស្ពានព្រំដែនថ្មីស្ទឺងបត់ -ណងអៀននេះមានសកម្មភាពស្ទុះទៅមុខ គ្មានរអាក់រអួលឬរាំងស្ទះអ្វីដែរ។ ក្នុងនោះការសាងសង់ផ្នែកទឹកដីខាងភាគីថៃ បាន២៣ភាករយ ដែលមានសង់គ្រឺះនិងសសរស្អានរួចមួយចំនួនធំ។
ឯផ្លូវភ្លោះថ្មី៤គន្លង ដែលតភ្ជាប់ពីស្ពានទៅក្នុងប្រទេសថៃក័បានសាងសង់បានជិត៥០ភាគរយដែរ ។
លោកនិយាយបន្តថា ផ្នែកខាងទឹកដីកម្ពុជាវិញ ភារសាងសង់ទើបបានគ្រឹះសសរស្ពាន១ និងការឈូសឆាយសម្រួលដីក្នុងប្លុករង្វង់បរិវេណការដ្ឋានសាងសង់ឬស្មើនឹង៣-៤ភាគរយប៉ុណ្ណោះ ។ទោះយ៉ាងណា វាក៏មិនអីដែរព្រោះ គ្រឿងចក្រ គ្រឿងសំណង់និងក្រុមសាងសង់ក៏ទើបតែចូលមកកាលពីចុងខែមុនដែរទេ ។
ឯបញ្ហាសន្តិសុខ ឬបរិយាកាសនៅការដ្ឋាន ពិសេសបញ្ហាគ្រាប់មីនឬគ្រប់យុទ្ធភ័ណ្ឌនៅព្រំដែន មិនជាបញ្ហាទេ។.
ប៉ុន្តែ លោកអនុសេនីយ៍បានស្នើសុំភាគីកម្ពុជាជួយបន្ធូរកម្រឹតនីវ៉ូទឹកអូរជ្រៅជាអូរព្រំដែនដើម្បីកុំអោយលំបាក់ដល់ការជ្រាបទឹកចូលរណ្តៅស្ពាន។
លោកលិ សារី ក៏ដូចលោកគឹម សុវណ្ណ បានទទួលសំណើនេះ ហើយថានឹងដោះស្រាយជូនជាបន្ទាន់ដោយរដ្ឋបាលខេត្តនឹងធ្វើលិខិតជូនដំណឹងទៅក្រុមហ៊ុនអានកូវ៉តធឺរស័បប្លាយ របស់លោកឧកញញា៉កុកអាន ដែលសាងសង់ទំនប់អាងទឹកអូខៃដននោះ អោយបើកទ្វារទឺកបង្ហូរបន្ធុរនិវ៉ូទឹក ។
សូមបញ្ជាក់ថា កសាងហេដ្ឋារចនាសម្ព័ន្ធសំណង់អគារនានានៃច្រក សំណង់ស្ពាន ថ្នល់ រួចរាល់ នៃច្រកព្រំដែនកម្ពុជាថៃ ស្ទឹងបត់ ណងអៀននេះ សម្រាប់តែការដឹកជញ្ជូនធុនធ្ងន់នាពេលដ័ខ្លិខាងមុខ ។
សូមបញ្ជាក់ថា ទីតាំងគម្រោងច្រកទ្វារព្រំដែនអន្តរជាតិស្ទឹងបត់ -ណងអៀន ខាងកម្ពុជាស្ថិតនៅភូមិស្ទឹងបត់សង្កាត់ផ្សារកណ្តាលក្រុងប៉ោយប៉ែតខេត្តបន្ទាយមានជ័យ និងខាងថៃស្ថិតភូមិណងអៀនឃុំ/ស្រុកអារញ្ញាខេត្តស្រះកែវ។
គម្រោងបើកច្រកព្រំដែននេះជាកិច្ចព្រមព្រៀងនយោបាយរវាងរាជរដ្ឋាភិបាលកម្ពុជា ថៃតាំងពីឆ្នាំ២០០៦មក។
ហើយនាយករដ្ឋមន្ត្រី ឧបនាយករដ្ឋមន្ត្រី រដ្ឋមន្ត្រីនិងមន្ត្រីថ្នាក់នយោបាយនិងថ្នាក់បច្ចេកទេសគ្រប់ស្ថាប័ន អង្គភាពជំនាញពាក់ព័ន្ធគ្រប់ថ្នាក់នៃប្រទេសទាំង២បានជួបប្រជុំពិភាក្សាគ្នារាប់សិបដងមកហើយទើបឈានដល់ការសាងសង់ហេដ្ឋារចនាសម្ព័ន្ធនេះ។
ឯការចំណាយសាងសង់នេះគឺអនុវត្តដោយទីភ្នាក់ងារអភិវឌ្ឍន៍សេដ្ឋកិច្ចប្រទេសជិតខាង(NEDA) គ្រប់គ្រង់គម្រោងដោយនាយកដ្ឋានផ្លូវហាយវេថៃនិងអនុវត្តដោយក្រុមវិស្វកម្មកងភូមិន្ទថៃ។
លោក គឺម សុវណ្ណ និយាយថា: គម្រោងនេះ ផ្នែកស្ពានជាជំនួយឥតសំណងរបស់NEDA ថៃ ដែលក្នុងប្រវែងស្ពាន៦២០មែ៉ត្រ ទទឺង១៧ម៉ែត្រនោះ នៅខាងថៃមានប្រវែង៤០៥ម៉ែត្រ និង ខាងកម្ពុជា ប្រវែង២១៥ម៉ែត្រ។
ឯផ្លូវតភ្ជាប់ពីស្ពានត្រង់អូរព្រំដែននេះ ទៅដល់ផ្លូវជាតិលេខ៥ ,ហេដ្ឋារចនាសម្ពូ័ន្ធ សំណង់អគារ ទីធ្លា ឃ្លាំង ផ្លូវរថភ្លើងសម្រាប់ការចូលដឹកទំនិញ ក្នយងតម្លៃប៉ាន់ស្មានជាង២៧លានដុល្លាសរអា គឺជាបន្ទុកចំណាយរបស់ក្រសួងសេដ្ឋកិច្ចនិងហិរញ្ញវត្ថុនៃរាជរដ្ឋាភិបាលកម្ពុជា។
អំពីទីតាំងដីនៃគម្រោងហេដ្ឋារចនាសម្ពូ័ន្ធខាងកម្ពុជាទំហំជាង៩៣ហិចតា គឺបានដោះស្រាយសំណងផលប៉ះពាល់មួយចំនួនធំ។។គឺសល់តែជាង៦ហិចតាទៀត។
លោកលី សារី និយាយបន្ថែមថា មន្ត្រីអាជ្ញាធរ សមត្ថកិច្ចជំនាញស៊ីវិលនិងកងកម្លាំងភាគីទាំង២នៅប្រចាំការដើម្បីទាក់ទង់ សម្របសម្រួលនិងជម្រុញល្បឿននៃការសាងសង់ស្ពាន ផ្លូវនិងហេដ្ឋារចនាសម្ព័ន្ធនសវ្រកព្រំដែនអន្តរជាតិថ្មីស្ទឹងបត់ -ណងអៀននេះ៕ ដោយ ៖ បន្ទាយ
