ភ្នំពេញ៖ ព្រះរាជពិធីបុណ្យច្រត់ព្រះនង្គ័ល សម្រាប់ឆ្នាំ២០២០ ដែលគ្រោងនឹងប្រារព្ធឡើងនៅខេត្តកំពង់ធំ ត្រូវបានរាជរដ្ឋាភិបាលកម្ពុជា សម្រេចផ្អាក ដើម្បីចូលរួមទប់ស្កាត់និងការពារការរីករាលដាល នៃជំងឺឆ្លង COVID-19។នេះបើតាមការផ្សព្វផ្សាយព័ត៌មានផេកហ្វេសប៊ុក ព្រះបរមរាជវាំង កាលពីថ្ងៃទី១៧ខែមេសាឆ្នាំ២០២០។
ក្រសួងព្រះបរមរាជវាំង បានឲ្យដឹងថា ការផ្អាកព្រះរាជពិធីបុណ្យច្រត់ព្រះនង្គ័ល សម្រាប់ឆ្នាំ២០២០ យោងតាមព្រះរាជតម្រិះដ៏ខ្ពង់ខ្ពស់បំផុត នៃព្រះករុណាជាអម្ចាស់ជីវីតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គឈ្វេងយល់អំពីទុក្ខលំបាក នៃផលប៉ះពាល់ពីជំងឺរលោកផ្លូវដង្ហើម COVID-19 ដែលកំពុងរាតត្បាតនៅទូទាំងពិភពលោក ហើយព្រះរាជាណាចក្រកម្ពុជាយើង ក៏កំពុងរងផលប៉ះពាល់នេះដែរ៕
ដោយ៖កូឡាប