ភ្នំពេញ៖ អង្គការ Wildlife Alliance Cambodia បានឲ្យដឹងថា ការល្បាតដោយមន្ត្រីឧទ្យានុរក្សស្នាក់ការរវៀង របស់អង្គការសម្ព័ន្ធមិត្តសត្វព្រៃ កាលពីសប្តាហ៍មុន ដោយបានរំលឹកថា ការគំរាមកំហែង ពីអ្នកបរបាញ់សត្វព្រៃ គឺពិតជាមានច្រើនខ្លាំងមែនទែន។
មន្ត្រីឧទ្យានុរក្សបានរឹបអូសនូវកាំភ្លើង AK-47 ចំនួនមួយដើម រួមជាមួយនឹងគ្រាប់រំសេវ រណារយន្តចំនួន៤គ្រឿង និងអន្ទាក់ដែកជាច្រើន ដែលបានកាន់កាប់ដោយជនល្មើស។ កន្លែងធ្វើអាវុធសម្រាប់ការបរបាញ់សត្វ ត្រូវបានរឹបអូស រួមទាំងកាំបិតផ្គាក់មួយឈុត ភស្តុតាងសំខាន់ ដែលជនល្មើស បានប្រើប្រាស់អាវុធ ដើម្បីបរបាញ់សត្វព្រៃ ដែលភាគច្រើនត្រូវបានប្រើប្រាស់ក្នុងប្រទេសកម្ពុជា រឺត្រូវបានផ្ញើទៅឈ្មួញកណ្តាល សម្រាប់ការចរាចរឆ្លងទៅប្រទេសវៀតណាម ឬប្រទេសចិន។
កាំភ្លើងច្នៃជាច្រើន ត្រូវបានរឹបអូសដោយមន្ត្រីឧទ្យានុរក្ស ជាមួយគ្នានេះដែរ អង្គការសម្ព័ន្ធមិត្តសត្វព្រៃ បានធ្វើការរឹបអូសកាំភ្លើងជាង៧០០ដើម បើគិតចាប់តាំងពីបង្កើត កម្មវិធីការពារព្រៃទឹកភ្លៀង ជួរភ្នំក្រវ៉ាញក្នុងឆ្នាំ២០០២មក។ នេះមិនមែនជាលើកដំបូងនោះទេ សម្រាប់ការដកហូតកាំភ្លើងវែងដូចជា AK-47 ប៉ុន្តែជនល្មើសខ្លះ កំពុងរក្សាអាវុធទាំងនេះ ទុកដែលបង្កឲ្យមានការគំរាមកំហែងជាច្រើន ជាងកាំភ្លើងច្នៃ។ កាំភ្លើងដូចជាប្រភេទ AK-47 អាចត្រូវបានប្រើប្រាស់ដោយជនល្មើស គឺជាផ្នែកមួយនៃកលល្បិចបំភិតបំភ័យរបស់ពួកគេ។
កាំភ្លើងនឹងត្រូវបានទុកឲ្យនៅឲ្យឆ្ងាយ ដោយមន្ត្រីឧទ្យានុរក្ស របស់អង្គការសម្ព័ន្ធមិត្តសត្វព្រៃ ដូចដែលពួកគាត់ កំពុងបន្តការពារតំបន់ទេសភាពព្រៃទឹកភ្លៀងជួរភ្នំក្រវ៉ាញ លើផ្ទៃដីទំហំ១,៥លានហិកតា ពីការគំរាមកំហែងជំនួញសត្វព្រៃ និងការបំផ្លាញព្រៃឈើ។ អាវុធដែលរឹបអូស បានបង្ហាញឲ្យពីការសារសំខាន់ នៃការអនុវត្តប្រកបដោយប្រសិទ្ធភាពខ្ពស់ រួមទាំងការបណ្តុះបណ្តាល យ៉ាងហ្មត់ចត់ ដើម្បីឲ្យប្រាដកថា មន្ត្រីឧទ្យានុរក្សបានបំពាក់សម្ភារគ្រប់គ្រាន់ ដើម្បីដោះស្រាយលើបញ្ហាណាមួយ ដែលកំពុងប្រឈម ក្នុងបន្ទាត់ការងាររបស់ពួកគាត់៕
ដោយ៖កូឡាប