ប្រទេសចិនបានរកឃើញអ្នកឆ្លងវីរុសកូរ៉ូណាចំនួន ២៧នាក់បន្ថែមទៀតនៅថ្ងៃសុក្រ កើនឡើងមួយករណី បើធៀបទៅនឹងថ្ងៃសុក្រ។ នេះបើតាមតួលេខដែលចេញផ្សាយនៅថ្ងៃសោរ៍នេះ។
ក្នុងចំណោមករណីឆ្លងថ្មី មាន ២៧ជាករណីឆ្លងមកពីប្រភពខាងក្រៅ នៅពេលដែលប្រជាជន បានត្រឡប់មកពីក្រៅប្រទេសវិញ។
ចំនួនអ្នកឆ្លងវីរុសសរុបនៅក្នុងប្រទេសចិន បានហក់ឡើងដល់ ៨២.៧១៩ករណី។
ចិនក៏មានការកែប្រែតួលេខអ្នកស្លាប់ផងដែរ ដោយបានដូរពីអ្នកស្លាប់ជាង ៣.៣០០នាក់ មកចំនួន ៤.៦៣២នាក់នៅថ្ងៃសុក្រ ដោយមានតួលេខអ្នកស្លាប់កើនឡើងជាង ១.០០០នាក់។
សូមបញ្ជាក់ថា វីរុសកូរ៉ូណា ឬ COVID-19 បានផ្ទុះចេញពីទីក្រុងវូហាន ប្រទេសចិនកាលពីចុងឆ្នាំ ២០១៩ និងបានឆ្លងទៅកាន់មនុស្សជុំវិញពិភពលោក។ តួលេខរបស់សកលវិទ្យាល័យ Johns Hopkins បានបង្ហាញថា អ្នកឆ្លងសរុបមានជាង ២.២០០.០០០នាក់ និងអ្នកស្លាប់ជាង ១៥០.០០០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia