បន្ទាយមានជ័យ៖ វគ្គហ្វឹកហ្វឺនបំប៉ននាយទាហ៊ានរង ជំនាញរថក្រោះ រថពាសដែកឆ្នាំ២០១៧-១៨ នៅបន្ទាយបញ្ជាការដ្ឋានរថក្រោះ ទិសភូមិភាគទី៥ ស្រុកព្រះនេត្រព្រះខេត្តបន្ទាយមានជ័យបានបើកកាលពីថ្ងៃទី២០-២១ ខែមករាឆ្នាំ២០១៨ ដោយមានការចូលរួមពីឯកឧត្តម ឧត្តមសេនីយ៍ទោ ប្រាក់ ផល្លី មេបញ្ជាការរង នាយសេនាធិការ តំណាងមេបញ្ជាការនៃបញ្ជាការដ្ឋានរថក្រោះ លោកឈើយ ចាន់ណា អភិបាលរងខេត្តបន្ទាយមានជ័យ ឯ/ឧ ឧត្តមសេនីយ៍ទោ កែវ សេងឡាយ មេបញ្ជាការនៃបញ្ជការដ្ឋានរថក្រោះអគ្គបញ្ជាការទិសយោធាភូមិភាគទី៥ ស្រុកព្រះនេត្រព្រះ ។
លោកឧត្តមសេនីយ៍ត្រី ស៊ិន សារឹម ទទួលការងារហ្វឹកហ្វីនរថក្រោះ បានអោយដឹងថា៖ យោធសិក្ខាកាមរហ្វឹកហ្វីនចំនួនមាន៣២៩នាក់ ហើយចែកជា ២ ជំហាន។ ជំហានទី១ មានចំនួន១៦៥នាក់ ,ជំហានទី២ មានចំនួន១៦៤នាក់ ។ហ្វឹកហ្វីនមានរយះពេល៩០ ថ្ងៃស្មើនឹងចំនួន៦៣០ម៉ោង ចាប់ពីថ្ងៃទី២០ ខែមករា ឆ្នាំ២០១៨
ដល់ថ្ងៃទី៣១ ខែមីនា ឆ្នាំ២០១៨។
លោកឧត្តមសេនីយ៍ទោ ប្រាក់ ផល្លី មេបញ្ជាការង នាយសេនាធិការ បានកោតសរសើរចំបោះថ្នាក់ដឹកនាំគ្រប់ជាន់ថ្នាក់របស់បញ្ជាការដ្ឋានរថក្រោះដែលបានប្រឹងប្រែងធ្វើរាការងារទំនាក់ទំនង និងសហការល្អក្នុងការងារហ្វឹកហ្វឺនជំនាញរថក្រោះរថពាសដែកឆ្នាំ២០១៧តាមផែនការហ្វឹកហ្វឺនរបស់កងយោធពលខេមរភូមិមិន្ទដែលបានដាក់ចុះ។
លោកបន្តថា៖ ការហ្វឹកហ្វឺនបំប៉ននាយទាហានរងជំនាញរថក្រោះរថពាសដែក ឆ្នាំ២០១៧ លើកនេះខុសគ្នាពីវគ្គបំប៉នមុនៗ ដោយវគ្គនេះមានមុខវិជ្ជាយុទ្ធវិធីកាំភ្លើងលើរថក្រោះ ប្រើប្រាស់ប្រព័ន្ធស្ថិរភាព ការប៉ាញ់ដោយប្រព័ន្ធស្ថិរភាពនិងមេរៀនបាញ់ផ្លោងមួយចំនួន ដែលកន្លងមកយើងធ្លាប់តែរៀនទ្រឹស្តី។
ការចាប់ដំណើការវគ្គហ្វឹកហ្វឺនបាននៅពេលនេះ ដោយមានការយកចិត្តទុកដាក់យ៉ាងជ្រាលជ្រៅបំផុត ចំពោះថ្នាក់ដឹកនាំគ្រប់លំជាន់ថ្នាក់របស់ក្រសួងការពារជាតិ ក៏ដូចជាអគ្គបញ្ជាការដ្ឋាននៃកងយោធពលខេមរភូមិន្ទ ទីចាត់ការហ្វឹហ្វឺន ជាពិសេសចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីដែលសម្តេចបានយកចិត្តទុកដាក់ជាប្រចាំ ទាំងស្មារតីសម្ភារៈ និងផ្តល់ជំនាញរថក្រោះ រថពាសដែកជារៀងរហូតមក
ធ្វើអោយជំនាញរថក្រោះរថពាសដែកយើងកាន់តែមានការីកចម្រើនថែមមួយកំរិតទៀត។
ទន្ទឹមជាមួយគ្នានោះ លោកឧត្តមសេនីយ៍ទោ បានធ្វើការផ្តាំផ្ញើដល់ នាយទាហ៊ានរង ជំនាញរថក្រោះ រថពាសដែកទាំងអស់ត្រូវយកចិត្តទុកដាក់អោយអស់ស្មារតីក្នុងវគ្គហ្វឹកហ្វឺននេះ និងត្រូវគោរពវិន័យ បទបញ្ជាផ្ទៃក្នុង សាមគ្គីភាពផ្ទៃក្នុងលើកកម្ពស់យ៉ាងសកម្ម ដើម្បីអោយដំណើការអោយសស្របទៅតាមផែនការឆ្នាំ របស់ប្រមុខរាជរដ្ឋាភិបាលបានដាក់ជូនផងដែរ៕ ដោយ ៖ បន្ទាយ
