ភ្នំពេញ៖ ជនល្មោភកាមជាឪពុកបង្កើតបានធ្វើ សកម្មភាពរំលោភ សេពសន្ថវៈលើកូនស្រីខ្លួនឯង អាយុ១៥ឆ្នាំ ត្រូវបាននគរបាលប៉ុស្តិ៍ពងទឹក ធ្វើការឃាត់ខ្លួន។ ក្មេងស្រីរងគ្រោះ ក៏មានប្តីរួចហើយដែរ។
នគរបាលក៏បានបញ្ជាក់ពីសាវតារនៃរឿងនេះថា កាលពីថ្ងៃទី១៣ ខែមីនា ឆ្នាំ២០២០ វេលាម៉ោង ១២និង០០នាទី ជនរងគ្រោះឈ្មោះ យ.ស ភេទស្រី អាយុ១៥ឆ្នាំ កំពុងតែដេកចុចទូរស័ព្ទលេងក្នុងបន្ទប់ម្នាក់ឯង ស្ថិតនៅផ្ទះគ្មានលេខ ផ្លូវបេតុង ភូមិត្រពាំងសាលា សង្កាត់ពងទឹក ខណ្ឌដង្កោ រាជធានីភ្នំពេញ។ ពេលនោះជនសង្ស័យឈ្មោះ ហម សំអាត ភេទប្រុស អាយុ ៤០ឆ្នាំ ត្រូវជាឪពុកបង្កើតរបស់ជនរងគ្រោះ បានដើរចូលមកក្នុងផ្ទះរួចបើកទ្វារបន្ទប់របស់ជនរងគ្រោះ ហើយបាននិយាយលួងលោមជនរងគ្រោះថាប៉ាសុំដេកជាមួយកូនឯង តែជនរងគ្រោះបានឆ្លើយបដិសេធថាខ្ញុំមិនដេកជាមួយប៉ាទេ។ បន្ទាប់មកជនសង្ស័យបាននិយាយគំរាមជនរងគ្រោះថា បើមិនឲ្យប៉ា ប៉ាត្រូវតែធ្វើទោះបីជាប់គុកខ្មាសគេក៏ដោយ ពេលជនរងគ្រោះឮពាក្យគំរាមរបស់ជនសង្ស័យក៏បណ្តោយខ្លួនឲ្យជនសង្ស័យធ្វើសកម្មភាពរំលោភបានសម្រេចមួយលើក។
លុះដល់ថ្ងៃទី២០ ខែមីនា ឆ្នាំ២០២០ វេលាម៉ោង១៦និង០៥នាទីជនរងគ្រោះកំពុងតែឈរលេងនៅក្បែរផ្ទះគ្មានលេខ ផ្លូវបេតុង ភូមិត្រពាំងសាលាខាងលើ ស្រាប់តែជនសង្ស័យហៅជនរងគ្រោះឲ្យចូលក្នុងផ្ទះរួចធ្វើសកម្មភាពចាប់រំលោភជនរងគ្រោះបានសម្រេចមួយលើកទៀត ហើយនិយាយគំរាមជនរងគ្រោះមិនឲ្យនិយាយរឿងរ៉ាវខាងលើប្រាប់ម្តាយនិងប្តីរបស់ជនរងគ្រោះដឹងឡើយ។ ក្រោយពីជនសង្ស័យបានរំលោភជនរងគ្រោះ បានសម្រេចពីរលើករួចមក ជនរងគ្រោះក៏បានទៅរស់នៅផ្ទះខាងប្តីស្ថិតនៅភូមិពងទឹក សង្កាត់ពងទឹក ខណ្ឌដង្កោ រាជធានីភ្នំពេញវិញម្តង។
រហូតដល់ថ្ងៃទី១៨ ខែមេសា ឆ្នាំ២០២០ វេលាម៉ោង១១និង០០នាទី ឈ្មោះ ជ័យ នារាជ្យ ភេទប្រុស អាយុ២០ឆ្នាំ ត្រូវជាប្តីរបស់ជន រងគ្រោះមានការសង្ស័យក៏បានយកទូរស័ព្ទដៃរបស់ជនរងគ្រោះ មកឆែកមើលស្រាប់តែឃើញការផ្ញើសារជាសំឡេងរបស់ជនសង្ស័យតាមឆាតហ្វេសប៊ុក ដែលបាននិយាយថា កូនឯងទៅដេកផ្ទះប្តីមួយអាទិត្យ ហើយឲ្យប៉ាមួយអាទិត្យបានតែមួយដង។
ពេលឈ្មោះ ជ័យ នារាជ្យ ត្រូវជាប្តីរបស់ជនរងគ្រោះ ក៏បាននាំជនរងគ្រោះមករាយការណ៍ប្រាប់សមត្ថកិច្ចនិងដាក់ពាក្យបណ្តឹងជនសង្ស័យជាឪពុកក្មេកនៅប៉ុស្តិ៍នគរបាលរដ្ឋបាលពងទឹក ដើម្បី ឲ្យសមត្ថកិច្ចចាត់ការតាមផ្លូវច្បាប់ ហើយនៅវេលាម៉ោង១៥និង៥០នាទីថ្ងៃខែឆ្នាំដដែល សមត្ថកិច្ចបានធ្វើការស្រាវជ្រាវ ឃាត់ខ្លួនជនសង្ស័យ បាននៅត្រង់ចំណុចផ្ទះគ្មានលេខ ផ្លូវបេតុង ស្ថិតនៅភូមិត្រពាំងសាលា យកមកធ្វើកាសាកសួរ នៅអធិការដ្ឋាននគរបាលខណ្ឌដង្កោ តាមនីតិវិធីច្បាប់ការចាប់ឃាត់ខ្លួននេះដែរ ធ្វើឡើងតាមបណ្តឹងរបស់ជនរងគ្រោះឈ្មោះ យសក ភេទស្រី អាយុ១៥ឆ្នាំ មុខរបរលក់ដូរទីលំនៅផ្ទះគ្មានលេខ ផ្លូវបេតុង ស្ថិតនៅភូមិត្រពាំង សាលា សង្កាត់ពងទឹក ខណ្ឌដង្កោ ។ ជនសង្ស័យឈ្មោះ ហម សំអាត អាយុ៤០ឆ្នាំមុខរបរលក់ដូរ ទីលំនៅផ្ទះគ្មានលេខ ផ្លូវបេតុង ស្ថិតនៅភូមិត្រពាំងសាលា សង្កាត់ពងទឹក ខណ្ឌដង្កោ ត្រូវជាឪពុកជនរងគ្រោះ៕
ដោយ៖បញ្ញាស័ក្តិ