ក្រុមសង្គ្រោះត្រូវបានហៅមកបន្ទាន់ ដើម្បីជួយសង្គ្រោះបុរសវ័យចំណាស់ម្នាក់ ដែលបានកំពុងឈឺចុកចាប់ជាខ្លាំង ខណៈពងស្វាសទាំងគូរបស់គាត់ កំពុងជាប់គាបនឹងប្រឡោះបាតកៅអី ។
ហេតុការណ៍ដ៏មិននឹកស្មាន និងចាត់ទុកថាចម្លែកបំផុតប្រចាំឆ្នាំ២០២០ នេះ អាចត្រូវបានដឹងថា កើតឡើងនៅក្នុងប្រទេសហូឡង់ ប៉ុន្តែ គេពុំដឹងពីទីកន្លែងជាក់លាក់នៃហេតុការណ៍នេះទេ ។
បុរសវ័យចំណាស់នោះ ត្រូវបានដឹងថា មកអង្គុយលំហែនៅយ៉មុខផ្ទះរបស់គាត់ ដោយគ្រាន់តែស្លៀកកន្សែង ប៉ុន្តែ ពុំបានស្លៀកខោទ្រនាប់នោះទេ ។ ខណៈពេលនោះ មិនដឹងជាយ៉ាងម៉េច ស្រាប់តែពងស្វាសរបស់គាត់លៀនចូលទៅក្នុងប្រឡោះបាតកៅអី បណ្តាលឲ្យជាប់ដកពុំរួចតែម្តង ។
ក្រុមសង្គ្រោះបានសម្រេចចិត្តកាត់មួយផ្នែក នៃប្រឡោះកៅអីនោះ ដើម្បីរំដោះពងស្វាសរបស់គាត់។ បន្ទាប់មក បុរសរូបនេះ ក៏ត្រូវបានគេដឹកយកទៅកាន់មន្ទីរពេទ្យ ដើម្បីព្យាបាលរបួស៕
ប្រែសម្រួល៖ លឹម ហុង (ប្រភព៖ dailybuzz)
