ចំនួនអ្នកឆ្លងវីរុសកូរ៉ូណា នៅក្នុងប្រទេសមីយ៉ានម៉ា បានហក់ឡើងយ៉ាងលឿន ដោយរហូតមកដល់ពេលនេះ មានអ្នកឆ្លងសរុបចំនួន ១១១នាក់ បន្ទាប់ពីមានអ្នកឆ្លងថ្មី កាលពីថ្ងៃអាទិត្យម្សិលមិញនេះ។ នេះបើតាមការបញ្ជាក់ របស់ក្រសួងសុខាភិបាល និងកីឡារបស់ប្រទេសនេះ។
អ្នកជំងឆ្លងថ្មីទាំងអស់ស្ថិតនៅតំបន់ Yangon ហើយពួកគេមិនមានប្រវត្តិ ធ្វើដំណើរទៅណាឡើយ ក្នុងរយៈពេល ១៤ថ្ងៃចុងក្រោយ ប៉ុន្តែ ២នាក់ក្នុងចំណោមពួកគេ មានទំនាក់ទំនងយ៉ាងជិតស្និទ្ធ ជាមួយនឹងអ្នកជំងឺពីមុន។
បើតាមក្រសួង មានអ្នកជំងឺចំនួន ៧នាក់បានជាសះស្បើយ ពីវីរុសកូរ៉ូណា រហូតមកដល់ពេលនេះ ហើយ ២នាក់ក្នុងចំណោមពួកគេ ត្រូវបានអនុញ្ញាតឲ្យចេញពីមន្ទីរពេទ្យ។
សូមបញ្ជាក់ថា មីយ៉ាន់ម៉ា មានអ្នកស្លាប់ដោយសារវីរុសកូរ៉ូណាចំនួន ៥នាក់គិតរហូតដល់ថ្ងៃសៅរ៍។ វីរុសនេះត្រូវបានរកឃើញ មានវត្តមានដំបូង នៅក្នុងប្រទេសមីយ៉ានម៉ា កាលពីថ្ងៃទី ២៣ខែ មីនា។
មីយ៉ានម៉ាបានដាក់បម្រាមគោចរ ពេលយប់សម្រាប់ រដ្ឋធានី Nay Pyi Taw តំបន់ Yangon និង Mandalay ដោយសារមានការព្រួយបារម្ភ ពីការរីករាលដាលនៃវីរុសនេះ។
រដ្ឋាភិបាលក៏បានដាក់បម្រាម មិនឲ្យមានការប្រមូលផ្តុំចាប់ពីមនុស្ស ៥នាក់ឡើងទៅ ដែលវាគឺជាវិធានការ ដើម្បីទប់ស្កាត់ការរីករាលដាលនៃវីរុសនេះ។
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua