អ្នកទោសម្នាក់បានព្យាយាមរត់ចេញពីបន្ទប់រង់ចាំក្នុងតុលាការ ទាំងជើងជាប់ច្រវាក់ កាលពីថ្ងៃទី៨ ខែមីនា ស្ថិតនៅក្នុងខេត្ត Nan ប្រទេសថៃ។ អ្នកទោសម្នាក់ក្នុងចំណោមអ្នកទោសជាច្រើននាក់ដែលត្រូវនាំខ្លួនឡើងតុលាការ ដែលមានឈ្មោះថា Adirek Chompoonot អាយុ ៣៨ ឆ្នាំ ត្រូវបានឃើញព្យាយាមដោះច្រវាក់ជើង និងបន្ទាប់មកឃើញឱកាសល្អ ក៏បានរត់សំដៅទៅកាន់ច្រកទ្វាពុំត្រូវបានចាក់សោ បើទោះមានប៉ូលិសនៅយាមការពារក៏ដោយ ។
ភ្លាមៗនោះ ប៉ូលិស៣នាក់ បានស្ទុះចាប់អ្នកទោសនោះ ដែលគ្រប់គ្រងរត់គេចបានសម្រេច។ ហើយស្របពេលនោះ អ្នកទោសម្នាក់ទៀតនៅក្បែរក៏ព្យាយាមរត់គេចខ្លួនផងដែរ ប៉ុន្តែ ត្រូវបានប៉ូលិសម្នាក់រារាំង ។ ទោះយ៉ាងណា ដោយឃើញស្ថានការណ៍នេះកំពុងច្របូកច្របល់ អ្នកទោសរូបនេះ ក៏បានសម្រេចចិត្តរត់ទម្លុះការរារាំងរបស់ប៉ូលិសទាំងជើងជាប់ច្រវាក់ ។
ទោះយ៉ាងណា អ្នកទោសថ្លើមធំទាំងពីរនេះ ក្រោយមក ត្រូវបានប៉ូលិសក្របួចបានមកវិញ និងដាក់ទោសទណ្ឌបន្ថែមមួយករណីទៀត ៕
ប្រែសម្រួល៖ លឹម ហុង (newsflare)
