ប្រធានាធិបតីអាមេរិច ដូណាល់ ត្រាំ បាននិយាយកាលពីថ្ងៃចន្ទថា លោកនឹងធ្វើការចុះហត្ថលេខលើបទបញ្ជាមួយ ដើម្បីឲ្យមានការផ្អាកបណ្តោះអាសន្ន នូវការធ្វើអន្តោប្រវេសន៍ ចូលក្នុងទឹកដីអាមេរិច។
លោកត្រាំ សរសេរក្នុងបណ្តាញសង្គម Twitter ថា”ដោយមើលឃើញពីការវាយប្រហារ ពីសត្រូវគ្មានរូប ព្រមទាំងការចាំបាច់ ក្នុងការការពារការងារ សម្រាប់ប្រជាជនអាមេរិច ខ្ញុំនឹងធ្វើការចុះហត្ថលេខា លើបទបញ្ជាដើម្បីឲ្យផ្អាកបណ្តោះអាសន្ន នូវការធ្វើអន្តោប្រវេសន៍ចូលក្នុងអាមេរិច”។
អាមេរិចគឺជាប្រទេសរងគ្រោះខ្លាំងជាងគេ ពីការផ្ទុះវីរុសកូរ៉ូណា ដោយមានអ្នកឆ្លងសរុបជិត ៧៩០.០០០នាក់ និងស្លាប់ជាង ៤២.០០០នាក់។
ត្រាំ បាននិយាយថា គាត់កំពុងធ្វើកិច្ចការជាមួយនឹងអភិបាលរដ្ឋទាំងអស់ ដើម្បីធានាថា ពួកគេមានធនធានដែលត្រូវការ ដើម្បីបង្កើការធ្វើតេស្តរកវីរុសកូរ៉ូណា។
លោកក៏បានជំរុញឲ្យប្រជាជនអាមេរិច ទាំងអស់អនុវត្តគម្លាតសង្គម ដើម្បីទប់ស្កាត់ការរីករាលដាលនៃវីរុស បើទោះបីជាមានបាតុករជាច្រើន ទូទាំងប្រទេសបានធ្វើការទាមទារ ឲ្យបញ្ចប់ការបិទប្រទេស និងធ្វើការបើកសេដ្ឋកិច្ចឡើងវិញ ឲ្យបានឆាប់រហ័ស៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia