ប្រទេសថៃបានឲ្យដឹងនៅថ្ងៃអង្គារនេះថា មានអ្នកឆ្លងវីរុសកូរ៉ូណាថ្មីចំនួន ១៩ករណីប៉ុណ្ណោះ ដែលវាគឺជាតួលេខឆ្លងប្រចាំថ្ងៃទាបបំផុត ក្នុងរយៈពេលជាង ១ខែចុងក្រោយ។
ករណីឆ្លងទាបចុងក្រោយគឺនៅថ្ងៃទី ១៤ ខែមីនា ដែលមានត្រឹម ៧ករណីប៉ុណ្ណោះ។ នេះបើតាមការឲ្យដឹងរបស់មន្ត្រីសុខាភិបាលជាន់ខ្ពស់របស់ប្រទេសនេះ។
សូមបញ្ជាក់ថា ថៃ ដែលជាសមាជិកនៃប្រជាជាតិអាស៊ីអាគ្នេយ៍ មានអ្នកឆ្លងវីរុសកូរ៉ូណា ឬ COVID-19 សរុបចំនួន ២.៨១១ករណី និងអ្នកស្លាប់ចំនួន ៤៨នាក់។
អ្នកជំងឺចំនួន ២.១០៨នាក់ ឬស្មើនឹង ៧៥ភាគរយនៃអ្នកឆ្លងសរុប បានជាសះស្បើយ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
