បុរសម្នាក់នៅក្នុងប្រទទេសឥណ្ឌា បានធ្វើឲ្យគ្រប់គ្នាភ្ញាក់ផ្អើលនិងស្លុតចិត្តជាខ្លាំង នៅពេលដឹងថាគាត់បានកាត់អណ្តាតខ្លួនឯង ដើម្បីបូជាអាទិទេពក្នុងជំនឿងសង្ឃឹមថា អាទិទេពនឹងបញ្ឈប់ការរាតត្បាតជំងឺកូវីដ១៩ ចេញពីពិភពលោក ។
Vivek Sharma អាយុ ២៤ ត្រូវបានគេបញ្ជូនទៅសង្គ្រោះនៅមន្ទីរពេទ្យ បន្ទាប់ពីរូបគាត់ត្រូវបានរកឃើញដេកសន្លប់ស្តូកស្តឹង ខណៈអណ្តាតនៅក្នុងដៃរបស់គេ កាលពីថ្ងៃអាទិត្យ ស្ថិតនៅ Suigam ក្នុងស្រុក Banaskantha រដ្ឋ Gujarat ។
ជាងចម្លាក់ថ្មរូបនេះ ត្រូវបានគេនិយាយថា បានខកចិត្តជាខ្លាំង នៅពេលប្រទេសត្រូវបានបិទទ្វាចេញចូលដោយសារវីរុស Covid-19 ដែលជាហេតុធ្វើឲ្យគាត់មិនអាចវិលត្រឡប់ទៅកាន់ស្រុកកំណើតនៅ Morena រដ្ឋ Madhya Pradesh ។
មុនហេតុការណ៍កើតឡើង គាត់បានប្រាប់អ្នករួមការងារថា គាត់ទៅផ្សារ ។ ប៉ុន្តែ នៅពេលពុំឃើញគាត់វិលត្រឡប់មកវិញ បងប្រុសគាត់ក៏ទាក់ទងទូរស័ព្ទ និងបានលឺសម្លេងអ្នកផ្សេងបានប្រាប់ថា Vivek បានកាត់អណ្តាតខ្លួនឯងគាត់ហើយនៅឯប្រាសាទ Nadeshwari ។
បុរសរូបនេះត្រូវបានគេដឹកយកទៅសង្គ្រោះនៅមន្ទីរពេទ្យមួយស្ថិតក្នុងតំបន់Tharad – ទីកន្លែងដែលក្រុមគ្រូពេទ្យព្យាយាមភ្ជាប់អណ្តាតរបស់គេឡើងវិញ ប៉ុន្តែ គេនៅមិនទាន់ដឹងថា ពួកគេទទួលបានជោគជ័យ ឬយ៉ាងណានោះនោះទេ។
ប្រភពពីប៉ូលីស បានប្រាប់សារព័ត៌មានឥណ្ឌាថា បុរសខាងលើនេះបានជឿជាក់ថា អណ្តាតរបស់គាត់អាចត្រូវបានប្រើជាការលះបង់ដើម្បីផ្គាប់ចិត្ត Nadeshwari Mataji និងបញ្ឈប់ការផ្ទុះឡើងនៃមេរោគកូវីដ១៩នេះ ៕
ប្រែសម្រួល៖ លឹម ហុង (ប្រភព៖ metro)
