ឆ្នាំជូត
ដួងជតារាសីល្អប្រសើរ ៖ រាសីខ្ពស់ត្រដែត។
ការងារ ៖ កិច្ចការងារជឿនលឿនទៅមុខ ឯបញ្ហារាំងស្ទះមានតិចតួច។
ជំនួញ ៖ បើចង់បើករបរថ្មីឬបើកហាងថ្មីក៏ជាពេលវេលាល្អប្រពៃណាស់ផង។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ កើតមានការប្រចែប្រច័ណ្ឌច្រើន ម្ល៉ោះហើយបើមិនចេះកាត់បន្ថយទេពិតជាមានរឿងបែកបាក់រង់ចាំនាថ្ងៃខាងមុខពុំខាន៕
ឆ្នាំឆ្លូវ
ដួងជតារាសីស្រុតចុះ ៖ រាសីស្រុតចុះ។
ការងារ ៖ នៅថ្ងៃនេះលោកអ្នកមិនត្រូវប្រកបកិច្ចការងារណាដែលសំខាន់ឬទៅតានតឹងក្នុងរឿងអ្វីមួយឡើយព្រោះថាផលអាក្រក់ងាយកើតចំពោះមុខណាស់ដែរ។លោកអ្នកមិនគប្បីលូកដៃទៅក្នុងល្បែងស៊ីសងឡើយដើម្បីចៀសវាងការលង់ខ្លួនកែមិនឡើងហើយពិសេសជួបផលលំបាកណាមួយជាន់កបន្ថែមទៀតហើយរើខ្លួនលែងរួច។
ជំនួញ ៖ ភាពស៊យនៅតែតាមជាប់ជានិច្ចដូច្នេះឱ្យប្រយ័ត្នជួបគ្រោះបាត់របស់និងគ្រោះចាញ់បោកគេ។
ស្នេហា ៖ ចូរប្រយ័ត្នអ្នកទីបីចូលមកឡូកឡំនាំកើតការបែកបាក់៕
ឆ្នាំខាល
ដួងជតារាសីស្រុតចុះ ៖ រាសីស្រុតចុះ។
ការងារ ៖ នៅថ្ងៃនេះបើកិច្ចការងារគេប្រគល់ឱ្យគប្បីធ្វើការត្រួតពិនិត្យឱ្យបានល្អព្រោះថាងាយកើតភ្លាំងភ្លាត់ណាស់។ក្នុងថ្ងៃនេះដែរបើលោកអ្នកសម្រេចចិត្តធ្វើអ្វីក៏ដោយត្រូវមានការប្រយ័ត្នប្រយែងបន្តិចព្រោះថាផលល្អ និង ផលអាក្រក់ដើរទន្ទឹមគ្នាជានិច្ច។
ជំនួញ ៖ ការជួញផ្លូវឆ្ងាយពុំសូវកាក់កបប៉ុន្មានទេ ហើយបើរកស៊ីនាយអាយក្បែរៗផ្ទះបានគ្រាន់ចិញ្ចឹមឆ្នាំងបាយអញ្ចឹងដែរ។
ស្នេហា ៖ មានការកើតទុក្ខមិនសូវស្បើយដែរទេ ដោយសាររឿងរ៉ាវប្រទាំងប្រទើសកើតឡើងបន្តបន្ទាប់នាពេលកន្លងមក៕
ឆ្នាំថោះ
ដួងជតារាសីល្អប្រសើរ ៖ រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងការងារ និង ពិសេសទំនាក់ទំនងបញ្ហាប្រាក់កាសពីព្រោះថាផលល្អៗតែងឆ្លើយតបមកវិញជានិច្ច។
ជំនួញ ៖ មានការទិញចូលលក់ចេញគួរសមហើយទោះធ្វើអ្វីក៏តែងមានការជឿនលឿនទៅមុខសន្សឹមៗដែរ។
ស្នេហា ៖ មានភាពស្រស់ស្រាយនិងផ្អែមល្ហែមប្រពៃណាស់៕
ឆ្នាំរោង
ដួងជតារាសីស្រុតចុះ ៖ រាសីស្រុតចុះ។
ការងារ ៖ នៅថ្ងៃនេះលោកអ្នកអាចទទួលរងផលប៉ះពាល់មួយចំនួនកើតឡើងធ្វើឱ្យសុខស្រួលចិត្តប៉ុន្មានឡើយ។ ការប្រកបការងារលោកអ្នកត្រូវធ្វើសន្សឹមៗហើយរក្សាភាពស្ងប់ស្ងាត់ទើបប្រសើរ។
ជំនួញ ៖ លោកអ្នកមិនត្រូវសង្ឃឹមឬប្រាថ្នាខ្ពស់ពេកប្រយ័ត្នធ្លាក់ចុះមកវិញត្រូវឈឺខ្លួនឯងដោយឥតបានប្រយោជន៍អ្វី។
ស្នេហា ៖ មានការលូតលាស់យឺតតែការថយក្រោយនោះលឿនណាស់គប្បីមានការប្រយ័ត្នប្រយែងបន្តិចទើបប្រសើរបំផុត៕
ឆ្នាំម្សាញ់
ដួងជតារាសីល្អប្រសើរ ៖ រាសីខ្ពស់ត្រដែត។
ការងារ ៖ នៅថ្ងៃនេះដួងរាសីល្អប្រសើរ ម្ល៉ោះហើយធ្វើអ្វីតែងទទួលជោគជ័យសន្សឹមៗទៅមុខជានិច្ច។
ជំនួញ ៖ ជាឱកាសល្អក្នុងការផ្លាស់ប្តូរមុខរបរឬរើទីកន្លែងលក់ដូរដោយអាចជួបនូវក្តីចម្រុងចម្រើនលូតលាស់ទៅមុខជានិច្ច។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ប្រុសស្រីបើចង់ណែនាំឱ្យចាស់ទុំបានស្គាល់ឬចូលចែវចូវជាឱកាសល្អប្រពៃបំផុត៕
ឆ្នាំមមី
ដួងជតារាសីល្អប្រសើរ ៖ រាសីខ្ពស់ត្រដែត។
ការងារ ៖ ក្នុងថ្ងៃនេះផ្តល់ផលល្អក្នុងការទំនាក់ទំនងការងារ ការចរចាអ្វីមួយពីព្រោះថាតែងហុចផលល្អៗមកវិញហួសពីការគិតទុកផង។
ជំនួញ ៖ ក្នុងពេលនេះជួបការលំបាកក្នុងការរកផលចំណូលណាស់តែងាយចំណាយទៅវិញ ហេតុនេះត្រូវចេះចាយវាយសន្សំសំចៃដើម្បីចៀសវាងជួបវិបត្តិថវិការណាមួយកើតឡើង។ ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ មានការស្មុគស្មាញនិងបង្កជម្លោះចំពោះគ្នាច្រើន៕
ឆ្នាំមមែ
ដួងជតារាសីល្អប្រសើរ ៖ រាសីខ្ពស់ត្រដែត។
ការងារ ៖ ដំណើរជីវិតរបស់លោកអ្នក ក្នុងថ្ងៃនេះអាចសម្រុកការងារបានហើយពីព្រោះថាផលល្អៗតែងឆ្លើយតបមកវិញជានិច្ច។
ជំនួញ ៖ មានសន្ទុះជឿនលឿនទៅមុខហើយត្រូវរក្សាភាពស្ងប់ស្ងាត់ពិសេសបើធ្វើជំនួញបានកាក់កបដាច់ខាតមិនត្រូវក្អេងក្អាងឡើយបើពុំនោះទេអាចហុចផលអាក្រក់ណាមួយមកវិញជាក់ជាពុំខាន។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ មានភាពស្រស់ស្រាយប្រៀបដូចត្រីក្នុងទឹក៕
ឆ្នាំវក
ដួងជតារាសីល្អប្រសើរ ៖ រាសីខ្ពស់ត្រដែត។
ការងារ ៖ ក្នុងថ្ងៃនេះបើចង់សម្រុកការងារឬធ្វើអ្វីមួយក៏ល្អប្រសើរដែរ ពីព្រោះថាផ្លែផ្កាតែងហុចមកវិញជានិច្ច។
ជំនួញ ៖ មានការទិញចូលលក់ចេញគ្រាន់បើ តែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ មានភាពត្រជាក់ត្រជុំនិងផ្អែមល្ហែមប្រពៃ៕
ឆ្នាំរកា
ដួងជតារាសីល្អមធ្យម ៖ រាសីល្អជាមធ្យម។
ការងារ ៖ នៅថ្ងៃនេះការប្រកបការងារអ្វីមិនសូវជឿនលឿនទៅមុខទេ ហើយពិសេសងាយកើតនូវបញ្ហាជាមួយអ្នកដទៃថែមទៀត គប្បីមានការប្រយ័ត្នប្រយែងបន្តិចទើបអាចចៀសផុតផលលំបាកទាំងពួង។
ជំនួញ ៖ ជួបការលំបាកក្នុងការរកផលចំណូលបន្តិច ពិសេសងាយកើតបញ្ហាចម្រូងចម្រាសជាមួយអ្នកមានមុខរបរដូចគ្នាទៀតផងដែរ ។
ស្នេហា ៖ មានភាពប្រទាំងប្រទើសនិងងាយកើតរឿងរាវជម្លោះវិវាទ ដូចនេះត្រូវធ្វើចិត្តត្រជាក់បន្តិចទើបប្រសើរ៕
ឆ្នាំច
ដួងជតារាសីស្រុតចុះ ៖ រាសីស្រុតចុះ។
ការងារ ៖ នៅថ្ងៃនេះបើលោកអ្នកធ្វើដំណើរឆ្ងាយជិតឱ្យប្រយ័ត្នបញ្ហាសុខភាព ពីព្រោះថាងាយកើតនូវបញ្ហាចំពោះមុខផង។
ជំនួញ ៖ ចូរចេះមានចិត្តត្រង់ទៅត្រង់មកមិនត្រូវមើលឃើញតែផលប្រយោជន៍ បើពុំនោះនឹងជួបការលំបាកនៅគ្រាខាងមុខជាក់ជាពុំខាន។ ការធ្វើដំណើរឆ្ងាយជិតមិនត្រូវប្រកាន់ចិត្តឆេវឆាវទើបប្រសើរ។
ស្នេហា ៖ គប្បីមានការប្រយ័ត្នប្រយែងកុំបង្កតែទំនាស់ចំពោះគ្នានាំឱ្យមិនមានការរីកលូតលាស់ទៅមុខ៕
ឆ្នាំកុរ
ដួងជតារាសីស្រុតចុះ ៖ រាសីស្រុតចុះ។
ការងារ ៖ នៅថ្ងៃនេះមិនផ្តល់ផលល្អក្នុងការទំនាក់ទំនងក្នុងរឿងអ្វីមួយ ព្រោះថាមិនផ្តល់ដូចប្រាថ្នាឡើយ។
ជំនួញ ៖ ការជួញទីជិតឆ្ងាយក្តីជួបផលលំបាកក្នុងការរកចំណូលបន្តិចនិងក្រៅពីនេះលោកអ្នកគួរប្រយ័ត្នប្រយែងពីការមានជម្លោះវិវាទ មិនត្រូវមានចិត្តប្រកាន់យកភាពមោហៈទោសៈដាក់ខ្លួននោះឡើយ។
ស្នេហា ៖ មិនមានឧបសគ្គអ្វីគួរជាទីកត់សម្គាល់ទេគឺដូចសព្វមួយដង៕