យ៉ាងណោចណាស់ មានសត្វកណ្តុរ១ក្បាលបានរអិលធ្លាក់ចូលតាមរន្ធមួយនៅខាងក្រោយទូ ATM មួយ១គ្រឿង ស្ថិតនៅភាគឦសាននៃប្រទេឥណ្ឌា ហើយវាបានចាប់ផ្តើមស៊ីលុយនៅខាងក្នុងនោះ ដែលជាហេតុធ្វើឲ្យម៉ាស៊ីន មានបញ្ហាគាំងដកលុយពុំកើតអស់រយៈពេលជាច្រើនថ្ងៃ។ ប៉ូលិសនិយាយថា ក្រដាសប្រាក់ជាង ១៩.០០០ ដុល្លារ ត្រូវបានកាត់បំផ្លាញ ។
ស្នងការប៉ូលិស លោក Mugdhajyoti Dev Mahanta បានឲ្យដឹងថា នៅពេលអ្នកជំនាញមកដល់ ដើម្បីធ្វើការជួសជុលម៉ាស៊ីនដកប្រាក់របស់ធនាគារ State Bank of India ស្ថិតនៅក្នុងទីក្រុង Tinsukia ពួកគេបានរកឃើញកណ្តុរ១ក្បាលងាប់នៅខាងក្នុងនោះ ហើយក្រដាសប្រាក់ឥណ្ឌាជិត ១,៣ លានរូពី ឬ ប្រហែលជាង ១៩,០០០ ដុល្លារអាមេរិក ត្រូវបានកាត់បំផ្លាញច្របូកច្របល់គ្នាគ្មានសល់ ។
តាមអ្នកជំនាញ កណ្តុរនោះអាចទំនងបានចូលទៅក្នុងទូ ATM តាមរន្ធភ្លើងខ្សែតូចមួយ ហើយវាបានស៊ីកាត់បំផ្លាញលុយឥណ្ឌាប្រភេទក្រដាស ៥០០ រូពី និង ២០០០ រូពី ខូចខាតខ្ទេចគ្មានសល់ ៕
ប្រែសម្រួល៖ លឹម ហុង (ប្រភព៖ nydailynews)