កំពង់ស្ពឺ៖ កម្លាំងមូលដ្ឋានកងរាជអាវុធហត្ថស្រុកឱរ៉ាល់ បានចេញបង្ក្រាបរថយន្តដឹកឈើគ្មានច្បាប់អនុញ្ញាត កាលពីថ្ងៃទី២៣ ខែមេសា ឆ្នាំ២០២០ នៅចំណុចលើផ្លូវលេខ៤៤ ចន្លោះគីឡូម៉ែត្រលេខ(៤៩-៥០)ស្ថិតក្នុងភូមិគោក ឃុំសង្កែសាទប ស្រុកឱរ៉ាល់ ។
ប្រតិបត្តិការនេះ ដឹកនាំដោយលោកវរសេនីយ៍ទោ សោម ពុទ្ធតារា មេបញ្ជាការ បានសហការបង្ក្រាបបទល្មើសធនធានធម្មជាតិ ជាមួយកម្លាំងកងរាជអាវុធហត្ថលើផ្ទៃប្រទេស បានចាប់រថយន្តទួរីស ពណ៌សំបកឪឡឹក ដឹកឈើជ្រុងម៉ៃតាប់ ប្រភេទ សុក្រំ គ្មានច្បាប់អនុញ្ញាត ចំណែកម្ចាស់រថយន្តបានរត់គេចខ្លួនបាត់ ។
បច្ចុប្បន្ន ឈើនិងគោយន្ត យកមករក្សាទុកជាបណ្តោះអាសន្ន នៅមូលដ្ឋានមូលដ្ឋានកងរាជអាវុធហត្ថស្រុកឱរ៉ាល់ ដោយមិនទាន់បានវាស់វែង ។
វត្ថុតាងបទល្មើសទាំងនោះ រង់ចាំប្រគល់មន្ត្រីបរិស្ថានដែនជម្រកសត្វភ្នំឱរ៉ាល់ ដែលមានស្នាក់ការស្ថិតក្នុងភូមិក្រាំងពង្រង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ បន្តនីតិវិធីតាមផ្លូវច្បាប់ ៕ដោយ៖កូឡាប
