ភ្នំពេញ ៖ សូមកោតសសើរចំពោះ អ្នកស្រី អ៊ាន សៀវម៉ី ជាម្ចាស់ហាង SIV MEY Onlineshop ជានិច្ចជាកាលតែងតែមានសកម្មភាពជួយសង្គមកម្ពុជាយើង។នៅថ្ងៃទី២៣ ខែមេសា ឆ្នាំ២០២០ បានបរិច្ចាគថវិកាផ្ទាល់ខ្លួន ចំនួន២ពាន់ដុល្លារ អង្ករ២តោន ជែលលាងដៃ ចំនួន១០០ដប Spray បាញ់កំចាត់មេរោគ ចំនួន១០០ដប ព្រមទាំង សម្ភារមួយចំនួនទៀត ដើម្បីប្រគល់ជូន កាកបាតក្រហមកម្ពុជា។
ក្នុងពិធីប្រគល់សម្ភារ និងថវិកា ដោយមានការទទួលស្វាគមន៍ពីលោកជំទាវ ម៉ែន នារីសោភ័គ អគ្គលេខា ធិការងទី១ តំណាងដ៍ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន កាកបាតក្រហមកម្ពុជា។
ការប្រគល់សម្ភារ និងថវិកា នាពេលថ្ងៃនេះ ក្នុងគោលបំណង ចូលរួមអបអរសាទរខួបទី១៥៧ ទិវាពិភពលោក កាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២០ ក្រោមប្រធានបទ «ខ្ញុំស្រឡាញ់ សន្តិភាព និងកាកបាទក្រហមកម្ពុជា»។ជាពិសេស ចូលរួមប្រយុទ្ធប្រឆាំងនឹង ជំងឺឆ្លង កូវីដ-១៩ ដែលកំពុងកើតមានឡើង នៅកម្ពុជា ផងដែរ។
អ្នកស្រី អ៊ាន សៀវម៉ី ក៏បានលើកឡើងថា «ការចូលរួមរបស់ខ្ញុំ គឺគាំទ្រកាកបាតក្រហមកម្ពុជា ក្រោមការដឹកនាំរបស់ សម្តេចប្រធាន ដើម្បីចែករំលែកជួយបន្ត ទៅដល់ជនរងគ្រោះ ក្រខ្សត់ នៅតាមតំបន់នានា ក្នុងប្រទេសកម្ពុជា។ហើយត្រូវចូលរួម ប្រយុទ្ធប្រឆាំងនឹង កូវីដ-១៩ ទាំង អស់គ្នា កុំឲ្យជំងឺនេះកើតមានឡើង នៅកម្ពុជាបន្ដទៀត»។
សូមជម្រាបថា អ្នកស្រី អ៊ាន សៀវម៉ី គឺជាអគ្គនាយិកាក្រុមហ៊ុន Castle E Diamond និង Siv mey Online Shop ដ៏ល្បីល្បាញ នៅក្នុងប្រទេសកម្ពុជា បាននាំចូលផលិតផល ថែរក្សាសម្ផស្ស ម៉ាក់ Ei Ei មកលក់នៅទីផ្សារកម្ពុជា ហើយទទួលបានការគាំទ្រយ៉ាងច្រើន ពីសំណាក់ ប្រជាជនកម្ពុជា តាមរយៈធ្វើឲ្យ លោក-អ្នក ដែលស្រឡាញ់ភាពស្រស់ស្អាត ក្លាយជាការពិត៕
ដោយ ៖ ចំរើន