ឆ្នាំជូត
រាសីល្អជាមធ្យម។
ការងារ ៖ នៅពេលនេះការប្រកបការងារលោកអ្នកជួបការស្មុគស្មាញ ជួបបញ្ហាលំបាកមួយចំនួន ដូច្នេះត្រូវពុះពារឆ្លងកាត់ផងដែរ។
ជំនួញ ៖ បើលោកអ្នកចង់បោះទុនទៅលើអ្វីមួយត្រូវមើលមុខមើលក្រោយ ព្រោះផ្លែផ្កាទទួលបានមកវិញមានភាពយ៉ាប់យ៉ឺនណាស់។ការធ្វើដំណើរទីជិតឆ្ងាយឱ្យប្រយ័ត្នក្រុមមនុស្សប្លែកមុខគេប្រើប្រាស់ចិត្តមេត្តាដើម្បីបោកប្រាស់ក្នុងរឿងអ្វីមួយ។
ស្នេហា ៖ មានការប្រឆាំងគ្នាច្រើនដូចនេះឱ្យប្រយ័ត្នកើតមានជម្លោះវិវាទ៕
ឆ្នាំឆ្លូវ
រាសីល្អជាមធ្យម។
ការងារ ៖ ការបំពេញការងារក្នុងថ្ងៃនេះពុំមានអ្វីបៀតបៀនយាយីគួរកត់សម្គាល់ តែទោះធ្វើអ្វីក៏តោងមើលគេមើលឯងខ្លះទើបប្រសើរ។ ទោះបីយ៉ាងណាបញ្ហារឿងផ្ទាល់ខ្លួនដូចជាបញ្ហាគ្រួសារឬសេចក្តីស្នេហាមានភាពល្អប្រសើរដោយធ្វើអ្វីក៏មានសុខដុមគ្រាន់កក់ក្តៅផងដែរ។
ជំនួញ ៖ ទោះការជួញទីជិតឆ្ងាយតែងមានផលកម្រៃហូរចូលមួយៗគ្រាន់ចិញ្ចឹមឆ្នាំងបាយអញ្ជឹងដែរ។
ស្នេហា ៖ មានភាពស្រុះស្រួលគ្នានិងផ្អែមល្ហែមល្អ៕
ឆ្នាំខាល
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងចរចាឬផ្សះផ្សារបញ្ហាអ្វីមួយពីព្រោះថាផលល្អៗតែងឆ្លើយតបមកវិញជានិច្ច។ក្រៅពីនេះក៏តែងផ្តល់ផលល្អសម្រាប់លោកអ្នកសម្រេចចិត្តរឿងការងារឬធ្វើអាជីវកម្មអ្វីមួយថែមទៀត។
ជំនួញ ៖ មានការចម្រើនលូតលាស់ហើយបើចង់បើករបរអ្វីថ្មីតែងផ្តល់ផលល្អៗមកវិញជានិច្ច។ បើចង់បើករបររយៈពេលខ្លីៗ តែងសមដូចប្រកប។ ការធ្វើដំណើរទីជិតឆ្ងាយមិនថាតាមផ្លូវគោក ផ្លូវទឹកឬផ្លូវអាកាសក្តីតែងជួបសេចក្តីសុខក្សេមក្សានដូចសព្វមូយដង។
ស្នេហា ៖ បើចង់ធ្វើការជ្រើសរើសគូស្រករតែងជួបគូព្រេងពិតដូចគាប់បំណង៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះមិនផ្តល់ផលល្អសម្រាប់លោកអ្នកសម្រេចចិត្តរឿងសំខាន់ឬចរចារឿងសំខាន់អ្វីមួយឡើយ។
ជំនួញ ៖ ការជួញទីជិតឆ្ងាយងាយកើតជម្លោះវិវាទណាស់ចូរចេះធ្វើគធ្វើថ្លង់ខ្លះទើបប្រសើរ។ការធ្វើដំណើរឆ្ងាយជិតមិនសូវមានសុវត្តិភាពទេគប្បីបន្ថែមការប្រុងប្រយ័ត្ន។
ស្នេហា ៖ កុំគប្បីយកភាពប្រកែប្រកាន់ដាក់ខ្លួនច្រើននាំតែកើតរឿងសៅហ្មងចំពោះគ្នាប៉ុណ្ណោះ៕
ឆ្នាំរោង
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកធ្វើកិច្ចការងារសំខាន់អ្វីមួយ ពីព្រោះថាតែងឆ្លើយតបផ្លែផ្កាមកវិញផង។ការរស់នៅមានភាពសុខដុមនិងមានជោគជ័យគួរសម។
ជំនួញ ៖ ទោះជួញទីជិតឆ្ងាយតែងហុចផ្លែផ្កាមកវិញគួរសមឯមុខរបរទៀតសោតក៏មានភាពសុខដុមល្អដូចសព្វមួយដង។
ស្នេហា ៖ មានដំណើរជឿនលឿនទៅមុខនិងកំពុងផ្អែមល្អែមប្រពៃណាស់៕
ឆ្នាំម្សាញ់
រាសីល្អជាមធ្យម។
ការងារ ៖ នៅថ្ងៃនេះរាល់ការបំពេញការងាររបស់លោកអ្នកមិនល្អប្រសឹរប៉ុន្មានទេ ពីព្រោះថាផលល្អនិងផលអាក្រក់នៅលាយឡំគ្នាច្រើន។
ជំនួញ ៖ ទោះលោកអ្នកមើលឃើញថាល្អហើយចង់ជួញ ក៏ច្រើនតែមិនសូវដូចគាប់បំណងដែរ គឺបានត្រឹមបង់កម្លាំងច្រើនជាង។ ដំណើរចាកចេញក្រៅផ្ទះចូរប្រយ័ត្នជួបគ្រោះភ្លើងឆេះនិងគ្រោះមុតរបស់ស្រួចដោយប្រការណាមួយ។
ស្នេហា ៖ មិនមានការជឿនលឿនទៅមុខហើយក៏មិនមានការថយក្រោយដែរគឺដូចសព្វមួយដង៕
ឆ្នាំមមី
រាសីល្អជាមធ្យម។
ការងារ ៖ នៅក្នុងថ្ងៃនេះបើទោះបីលោកអ្នកសម្រេចចិត្តអ្វីក៏ដោយមិនអាចធ្វេសប្រហែសបានឡើយគឺត្រូវប្រយ័ត្នប្រយែងបន្តិចទើបបញ្ហាអាក្រក់ទាំងពួងដើររំលងចៀសឆ្ងាយទៅរួច។
ជំនួញ ៖ ទោះជួញទីជិតឆ្ងាយត្រូវរត់ទៅរកអតិថិជនហើយត្រូវស្វះស្វែងបន្តិចទើបរកប្រាក់ចំណូលគ្រាន់បំពេញក្រពះទៅរួច។ ក្នុងអំឡុងថ្ងៃនេះដែរទោះធ្វើអ្វីលោកអ្នកគួរសន្សឹមៗកុំបំបោលប្រយ័ត្នដូចពាក្យចាស់ថា “កាន់ តែលឿនកាន់តែខុសហើយក្រែងមិនបានដូចសេចក្តីប្រាថ្នា”។
ស្នេហា ៖ ប្រុសស្រីត្រូវប្រយ័ត្នភាពផ្អែមល្ហែមប្រែជាជូរចត់វិញព្រោះតែការប្រចែប្រច័ណ្ឌច្រើន៕
ឆ្នាំមមែ
រាសីស្រុតចុះ។
ការងារ ៖ ចូរប្រយ័ត្នការដួលចុះ ឬទទួលរងការប៉ះទង្គិចអ្វីមួយកើតឡើង។ ក្រៅពីនេះឱ្យលោកអ្នកប្រយ័ត្នប្រយែងបញ្ហាឧប្បត្តិហេតុក្នុងការធ្វើដំណើរ រោគជំងឺ ការទទួលរងឈឺខ្លួនប្រាណឬការឈឺចិត្តអ្វីមួយ។
ជំនួញ ៖ មិនថាជួញទីជិតឆ្ងាយតែងអាចហុចផ្លែផ្កាមកវិញគ្រាន់ជាទីកក់ក្តៅតែយ៉ាណាចូរប្រយ័ត្នក្រុមមនុស្សបាបមិត្តបង្កជម្លោះណាមួយកើតឡើង។
ស្នេហា ៖ងាយទាំងផ្អែមល្ហែមនិងទាស់ទែងសម្តីគ្នាផងដែរ៕
ឆ្នាំវក
រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកទំនាក់ទំនងអ្វីមួយតែងហុចជាផ្លែផ្កាមកវិញគ្រាន់ជាទីពេញចិត្តផង។
ជំនួញ ៖ មានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ការធ្វើដំណើរទីជិតឆ្ងាយជួបសេចក្តីសុខដុមទាំងពេលទៅនិងត្រឡប់មកវិញ។
ស្នេហា ៖ ក្នុងរង្វង់គ្រួសារមានភាពស្រុះស្រួលនិងកំពុងកើតវាលកាលកុម្ពត្រជាក់ត្រជុំណាស់ដែរ។
ឆ្នាំរកា
រាសីល្អជាមធ្យម។
ការងារ ៖ នៅថ្ងៃនេះការបំពេញការងារលោកអ្នកត្រូវចេះយកចិត្តទុកដាក់ឱ្យបានខ្លាំងក្លានោះផ្លែផ្កាដែលផ្តល់មកវិញក៏ដូចជាទីពេញចិត្ត។ក្រៅពីនេះចំពោះការរស់នៅស្ត្រីគប្បីមានការប្រយ័ត្នប្រយែងក្នុងរឿងអ្វីមួយបន្តិចព្រោះថាបើសម្រេចចិត្តធ្វើអ្វីមួយខុសនោះនាំឱ្យបាត់បង់ច្រើនជាងទទួលផល។
ជំនួញ ៖ បើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។
ស្នេហា ៖ កុំជ្រួលជ្រើមខុសបែបបទប្រយ័ត្ននាំក្តីទុក្ខលំបាកមកវិញ៕
ឆ្នាំច
រាសីស្រុតចុះ។
ការងារ ៖ ក្នុងថ្ងៃនេះដោយសារដួងរាសីស្រុតចុះ ដូចនេះធ្វើឱ្យមានការផ្លាស់ប្តូរខាងអារម្មណ៍និងកិច្ចការងារខ្លះដូចនេះគប្បីមានការប្រយ័ត្នប្រយែងបន្តិចទើបប្រសើរ។ ការប្រកបការងារទាំងស្ត្រីបុរសលោកអ្នកគប្បីរក្សាភាពនឹងធឹងហើយមិនត្រូវនិយាយច្រើនទៅលើរឿងអ្នកដទៃនោះឡើយទើបគ្មានបញ្ហាណាមួយចោទឡើងចំពោះគ្នា។
ជំនួញ ៖ លោកអ្នកមិនត្រូវចេះដឹងឮរឿងអ្នកដទៃច្រើនឡើយប្រយ័ត្នឥតការអ្វីសោះនាំរឿងរ៉ាវអាក្រក់មកដាក់ខ្លួនវិញ។
ស្នេហា ៖ ជួបរឿងប្រទាំងប្រទើសនិងចាប់កំហុសគ្នាច្រើន៕
ឆ្នាំកុរ
រាសីល្អជាមធ្យម។
ការងារ ៖ ក្នុងថ្ងៃនេះទោះប្រកបការងារអ្វីឃើញថាមិនសូវមានការចម្រើនលូតលាស់ទៅមុខប៉ុន្មានទេហើយពិសេសឱ្យប្រយ័ត្នក្រុមមនុស្សបង្កបញ្ហាអ្វីមួយថែមទៀត។
ជំនួញ ៖ ប្រយ័ត្នពាក្យសម្តីបន្តិចព្រោះងាយប៉ះទង្គិចជាមួយមនុស្សនៅជុំវិញខ្លួនណាស់។ ការធ្វើដំណើរផ្លូវឆ្ងាយពុំសូវមានសុវត្តិភាពទេគួរបន្ថែមការប្រុងប្រយ័ត្នទើបគ្មានបញ្ហាអាក្រក់ណាមួយចោទឡើង។
ស្នេហា ៖ កុំចង់យកកំហឹងទល់កំហល់ប្រយ័ត្នកើតជម្លោះវិវាទឈានដល់ការបែកបាក់៕
