ខេត្តស្វាយរៀងៈ លោកស្រី ឯក សុវណ្ណភារៈ អភិបាលរងខេត្ត និងជាអនុប្រធាន អនុគណៈកម្មការសុវត្ថិភាពចរាចរណ៍ផ្លូវគោកខេត្ត នៅព្រឹកថ្ងៃទី២៤ ខែមេសា ឆ្នាំ២០២០នេះ បានផ្សព្វផ្សាយ អនុក្រឹត្យលេខ៣៩ ស្ដីពីការកែសម្រួលអនុក្រឹត្យលេខ៤៤ អនក្រ.បក ចុះថ្ងៃទី២១ ខែមីនា ឆ្នាំ២០១៧ ស្ដីពីការពិន័យអន្តរការណ៍ចំពោះអំពើល្មើសនឹងច្បាប់ស្ដីពីចរាចរណ៍ផ្លូវគោក ស្ថិតនៅសាលាខេត្តស្វាយរៀង។
សូមជម្រាបជូនថា គណៈកម្មាធិការជាតិសុវត្ថិភាពចរាចរណ៍ផ្លូវគោកបានចេញសេចក្តីជូនដំណឹងនាពេលកន្លងមកបញ្ជាក់ថា ចាប់ពីថ្ងៃទី០១ ខែឧសភា ឆ្នាំ២០២០ ខាងមុខនេះតទៅ កងកម្លាំងនគរបាលចរាចរណ៍ផ្លូវគោក និងអនុវត្តការពិន័យអន្តរការណ៍ ចំពោះអំពើរល្មើសច្បាប់ នឹងច្បាប់ស្តីពីចរាចរណ៍ផ្លូវគោកតាមអនុក្រឹត្យលេខ៣៩ អនក្រ.បក ចុះថ្ងៃទី២១ ខែមីនា ឆ្នាំ២០១៧ ស្តីពីការពិន័យអន្តរការណ៍ចំពោះអំពើរល្មើសនឹងច្បាប់ស្តីពីចរាចរណ៍ផ្លូវគោក ដែលបានតម្លើង កម្រិតទឹកប្រាក់ពិន័យក្នុងចំនួនពី ៣ (បី)ទៅ៥ ប្រាំដង ធៀបនឹងច្បាប់ចរាចរណ៍ផ្លូវគោកចាស់៕ដោយ៖ វ៉ៃកូ
