ក្មេងស្ទាវមួយក្រុមត្រូវបានចាប់ខ្លួន បន្ទាប់ពីនាំគ្នារាំនៅកណ្តាលផ្លូវ ក្នុងពេលកំពុងអនុវត្តបម្រាមគោចរ ហើយនៅពេលត្រូវបានសួរនាំមូលហេតុ ក្រុមនេះនិយាយថា “ពួកគេធុញថប់ពេក ហើយគ្មានអ្វីត្រូវធ្វើ” ។
វីដេអូមួយដែលបានរីករាលដាលនៅលើអ៊ីនធឺណិតបង្ហាញពីក្មេងស្ទាវៗ ៣ នាក់ រាំនៅកណ្តាលផ្លូវសាធារណៈក្នុងទីក្រុងធំមួយ នៃខេត្ត សាមុត ប្រាកាន កាលពីថ្ងៃទី ២៣ ខែមេសា ឆ្នាំ ២០២០ ។ ពួកគេទាំង ៣ នាក់ដែលមានទីលំនៅក្បែរកន្លែងថតវីដេអូ ត្រូវបានប៉ូលិសបញ្ជូនមកកាន់ប៉ុស្តិ៍ប៉ូលីស Nuea។
ពិតជាអស្ចារ្យណាស់ នៅក្នុងវីដេអូ ពួកគេសូម្បីនិយាយបែបនេះថា «ពួកយើងមិនខ្វល់រឿងបម្រាមគោចរស្អីនោះទេ ព្រោះថាទោះបីដាក់បម្រាប ក៏ពួកយើងនៅតែគ្រុនរងាដែរ នៅក្នុងប្រទេសថៃ» ។
ក្មេងស្ទាវទាំងនេះដែលមានអាយុស្របាលៗគ្នាខ្ទង់ ១៥ ឆ្នាំ បានប្រាប់ប៉ូលិសត្រង់ៗថា ពួកគេគឺជាមនុស្សនៅក្នុងវីដេអូនេះ ហើយមូលហេតុដែលពួកគេធ្វើបែបនេះ គឺដោយសារគ្មានអ្វីធ្វើ និងធុញថប់ខ្លាំងពេក ។ ហេតុនេះ នៅពេលឃើញដងផ្លូវស្ងាត់ជ្រងំ ពួកគេក៏សម្រេចចិត្តនាំគ្នារាំនិងថតវីដេអូទៅ ។
ហេតុការណ៍នេះបានកើតឡើង បន្ទាប់ពាក់កណ្តាលអធ្រាត្រ ដោយបានរំលោភលើក្រិត្យគ្រាអាសន្នជាមួយបម្រាមគោចរជាតិដែលបានចូលជាធរមានចាប់ពីវេលាម៉ោង ២២ និង០០ នាទី រហូតដល់ម៉ោង ៤ និង ០០ នាទី ទៀបភ្លឺ ។
ជាលទ្ធផល ក្មេងស្ទាវទាំងបីនាក់នេះ ត្រូវបានប៉ូលិសកសាងសំណុំរឿង និងបញ្ជូនទៅកាន់តុលាការគ្រួសារ ដើម្បីចាត់ការតាមផ្លូវច្បាប់ ៕
ប្រែសម្រួល៖ លឹម ហុង (ប្រភព៖ Sanook)