ភ្នំពេញ៖ រាជរដ្ឋាភិបាលបានឲ្យដឹងថា ការផ្គត់ផ្គង់អំបិលត្រូវបានធានា សម្រាប់រយៈពេលនេះរហូតដល់ចុងឆ្នាំនេះ ហើយថាតម្លៃទីផ្សារសម្រាប់ទំនិញ ក្នុងស្រុក មានយុទ្ធសាស្ត្រនៅតែល្អមិនឡើងមិនចុះ។
ថ្លែងក្នុងសិន្នសីទសារព័ត៌មាន កាលពីម្សិលមិញ លោក ហួន សុរង្សី ប្រធាននាយកដ្ឋានកិច្ចការឧស្សាហកម្ម នៃក្រសួងឧស្សាហកម្មវិទ្យាសាស្ត្របច្ចេកវិទ្យានិងនវានុវត្តន៍ ថ្លែង ពីសារសំខាន់នៃទំនិញអំបិលនេះ ដោយរដ្ឋាភិបាលបានដាក់វាជាអាទិភាពមួយ ក្នុងចំណោមអាទិភាពនានារបស់រដ្ឋាភិបាល។
លោកបានមានប្រសាសន៍ថា៖ យើងបានតាមដានមើលស្ថានការណ៍យ៉ាងដិតដល់ ហើយផលិតកម្មអំបិលចន្លោះ ពីខែមករាដល់ខែមីនា ទទួលបានទិន្នផល ៣ ម៉ឺនតោន»។
ក្នុងចំនួននេះ លោក សុរង្សី បានថ្លែងថាមានចំនួន ៤.០០០ តោនត្រូវបាននាំចូលពីប្រទេសឥណ្ឌា ដោយអំបិលនាំចូលនេះ សល់នៅក្នុងស្តុកប្រមាណជាង ៥០០តោនប៉ុណ្ណោះ។ នេះបើទោះបីជាកង្វះកម្លាំងពលកម្ម នៅក្នុងវាលស្រែអំបិល របស់ប្រទេសក្នុងរដូវប្រមូលផលថ្មីៗនេះ ក៏ដំណើរការផលិតអំបិលនៅតែមានដំណើរការធម្មតា។
លោកបញ្ជាក់ថា៖«យើងមិនខ្លាចកង្វះអំបិលទេ ហើយយើងអាចធានាបាននូវនិរន្តរភាព នៃការផ្គត់ផ្គង់។ តម្លៃក៏នឹងមិនត្រូវបានអនុញ្ញាត ឱ្យឡើងខ្ពស់ហួសពីតម្លៃបច្ចុប្បន្ន ១.៥០០ និង ២០០០ ក្នុងមួយគីឡូក្រាមដែរ” ដោយបន្ថែមការភ័យខ្លាចថា ផលិតផលចាំបាច់អាចនឹងអស់ ក្នុងអំឡុងពេលមានជំងឺរាតត្បាត គ្របដណ្តប់ដែលកំពុងបន្តកើតមាន»។
បន្ថែមលើនេះលោក សុរង្សី បានបន្ថែមថា បច្ចុប្បន្នរដ្ឋាភិបាលកំពុង ស្វែងរករោងចក្រ ដែលមានបច្ចេកវិទ្យាទំនើប ដើម្បីកែលម្អនិងពន្លឿនដំណើរការផលិតកម្មអំបិល៕ដោយ៖សម្ផស្ស
