បាត់ដំបង ៖ ប្រជាពលរដ្ឋប្រទះឃើញយុទ្ធភណ្ឌមិនទាន់ផ្ទុះកប់ក្នុងដីនៅក្នុងស្ទឹងបវេលជាច្រើនគ្រាប់ បានប្រគល់ជូនអង្គភាពCMAC យកទៅបំផ្លាញចោលនៅស្រុកបវេល។
ការប្រទះឃើញយុទ្ធភណ្ឌមិនទាន់ផ្ទុះកប់ក្នុងដីនៅក្នុងស្ទឹងបវេលជាច្រើនគ្រាប់ប្រគល់ជូនអង្គភាពCMAC នេះ បានធ្វើឡើងកាលពីថ្ងៃទី២៤ខែមេសាឆ្នាំ២០២០ អនុវត្តតាមមតិដឹកនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរ បាលខេត្តបាត់ដំបង។
លោកវរសេនីយ៍ទោ សុខ សារិន អធិការនៃអធិការដ្ឋាននគរបាលស្រុកបវេល បានឲ្យដឹងថា លោកចាត់តាំងកងកម្លាំងនគរបាលឲ្យចូលរួមសហការជាមួយអង្គភាពកម្ចាត់មីនកម្ពុជា CMAC ប្រចាំនៅក្នុងមូលដ្ឋាន។យុទ្ធភណ្ឌមិនទាន់ផ្ទុះដែលប្រទះឃើញនៅក្នុងស្ទឹងបវេលស្រុកប វេលនារដូវទឹកស្រកសរុបចំនួន៨៤គ្រាប់ដែលក្នុងនោះមាន -គ្រាប់កាំភ្លើងប្រភេទ១៣០មិល្លីម៉ែត្រចំនួន ០១គ្រាប់ -គ្រាប់កាំភ្លេីងត្បាល់ប្រភេទ៦០ មិល្លីម៉ែត្រ០១គ្រាប់ -គ្រាប់កាំភ្លេីងត្បាល់ប្រភេទ៨២មីល្លីម៉ែត្រចំនួន០៣គ្រាប់ -គ្រាប់បែកដៃចំនួន០១គ្រាប់ -គ្រាប់កាំភ្លើងប្រភេទB40ចំនួន០១គ្រាប់ -គ្រាប់កាំភ្លើងប្រភេទDK75ចំនួន១១គ្រាប់ -គ្រាប់មីន ប្រភេទP40ចំនួន០៣គ្រាប់ -គ្រាប់កាំភ្លើងផ្លោងមិនច្បាស់ម៉ាកចំនួន៦៣គ្រាប់។
លោកវរសេនីយ៍ឯក សុខ សារិន បានបញ្ជាក់ថាដោយសារដូវនេះជារដូវប្រាំងរីងស្ងួតទឹកស្ទឺងបវេលក៏រីងស្ងួតដែរ ពេលនេះប្រជាពលរដ្ឋប្រទះឃើញយុទ្ធភណ្ឌមិនទាន់ផ្ទុះសេសសល់ពីសម័យសង្គ្រាមស្ថិតនៅរាយប៉ាយក្នុងស្ទឹង ត្រូវបានប្រជាពលរដ្ឋផ្តល់ព័ត៌មានដល់កម្លាំងនគរបាល ហើយកម្លាំងបានរាយការណ៍ជួនមន្ត្រីជំនាញCMAC រួមជាមួយអាជ្ញាធរមូលដ្ឋាន បានប្រមូលយកទៅរក្សាទុកដើម្បីបំផ្លាញចោល។ ទាក់ទងនឹងករណីនេះលោកតែងតែបំផុសផ្សព្វផ្សាយដល់មន្ត្រីនគរបាលក៏ដូចជាប្រជាពលរដ្ឋឲ្យបានយល់ច្បាស់ពីផលប៉ះពាល់នៃយុទ្ធភណ្ឌទាំងនេះ ដែលសកម្មភាពខាងលើបានធ្វើឲ្យប្រជាពលរដ្ឋមានការយល់ដឹងនិងចូលរួមសហការអនុវត្តជាមួយមន្ត្រីនគរបាលនិងអាជ្ញាធរពាក់ព័ន្ធដូចពេលនេះ៕
ដោយ ៖ អ៊ុងសារុំ
