កណ្ដាល៖ កាលពីថ្ងៃចន្ទ ទី២០ ខែមេសា ឆ្នាំ ២០២០ វេលាម៉ោង ២០ និង០០នាទី មានករណីជនសង្ស័យម្នាក់ បានរួមភេទក្មេងស្រីម្នាក់ ជាអនីតិជន អាយុ ១២ឆ្នាំ នៅចំណុចភូមិ បឹងក្តុល ឃុំ កំពង់អុស ស្រុកពញាឮ ខេត្តកណ្តាល បន្ទាប់មកជនសង្ស័យ និងជនរងគ្រោះ បានទំនាក់ទំនងស្នេហាគ្នាទៅវិញទៅមកតាមប្រព័ន្ធ Messenger (ឆាត)។
ជនរងគ្រោះឈ្មោះ វន ណាវី ភេទ ស្រី អាយុ១២ឆ្នាំ ជនជាតិ ខ្មែរ មុខរបរ សិស្ស មានទីលំនៅភូមិ បឹងក្តុល ឃុំ កំពង់អុស ស្រុក ពញាឮ ខេត្ត កណ្តាល។ រីឯជនសង្ស័យឈ្មោះ ណុច សុផាត ភេទប្រុស អាយុ២៣ឆ្នាំ ជនជាតិ ខ្មែរ មុខរបរ បើកបរដឹកគ្រឿងសំណង់ មានស្រុកកំណើតនៅភូមិ ថ្នល់កែង ឃុំ ត្រពាំងថ្លុង ស្រុកពញាក្រែក ខេត្ត ត្បូងឃ្មុំ បានធ្វើតេស្តរកសារធាតុញៀននៅក្នុងទឹកនោម (អវិជ្ជមាន) ឃាត់ខ្លួន។ វត្ថុតាងចាប់យកមាន ទូរស័ព្ទ ១ គ្រឿង ម៉ាក IPhone5C។
នគរបាលមូលដ្ឋាន បានបញ្ជាក់ពីសភាពរឿងហេតុថា នៅមុនកើតហេតុនៅក្នុងខែមីនា ឆ្នាំ ២០២០ ជនរងគ្រោះ បានយកទូរស័ព្ទម្តាយរបស់ខ្លួនឈ្មោះ ឌី សាវឿនទៅឲ្យជាងទូរស័ព្ទបង្កើត Facebook ដោយប្រើAcount ឈ្មោះ កូនពៅ សំណព្វហើយជនរងគ្រោះ បានលេងFacebook ទំនាក់ទំនងស្គាល់ជនសង្ស័យតាមបណ្តាញសង្គមFacebook ដោយជនសង្ស័យប្រើAccount ឈ្មោះ Sophat QB Love បន្ទាប់មកជនសង្ស័យ និងជនរងគ្រោះ បានទំនាក់ទំនងស្នេហាគ្នាទៅវិញទៅមកតាមប្រព័ន្ធ Messenger (ឆាត) ហើយក្នុងពេលនោះដែរ ជនរងគ្រោះបានឆាតប្រាប់ជនសង្ស័យថា៖ ខ្ញុំមានរឿងជាមួយ ប៉ា ម៉ាក់ ខ្ញុំចង់ចេញពីផ្ទះ តែមិនដឹងទៅណាទេ ហើយជនសង្ស័យបានឆាតតបវិញថា៖ អ៊ីចឹងមកនៅជាមួយខ្ញុំមក បន្ទាប់មកជនសង្ស័យបាន ឆាត ប្រាប់ឲ្យជនរងគ្រោះ ជិះរ៉ឺម៉កកង់បី និងឲ្យជនរងគ្រោះប្រាប់ទៅអ្នកបើករ៉ឺម៉ក កង់បីថា៖ ឲ្យគេជូនមកផ្លូវ ២០០៤ មកក្រុងភ្នំពេញចាំបងទៅយក រួចក៏បិតឆាតទៅ។ លុះដល់ព្រឹកថ្ងៃទី២០ ខែមេសា ឆ្នាំ ២០២០ វេលាម៉ោង៧ព្រឹក ជនរងគ្រោះបានឆាតប្រាប់ជនសង្ស័យថា៖ អូនចេញទៅហើយ ក្រោយមកអ្នកទាំង២ក៏បានជួបគ្នានៅភ្នំពេញ និងបានដេកស្នាក់នៅជាមួយគ្នាចំនួន ២យប់នៅភ្នំពេញ។ បន្ទាប់មកនៅថ្ងៃទី ២២ ខែមេសា ឆ្នាំ២០២០ ជនសង្ស័យបាននាំជនរងគ្រោះទៅស៊ីឈ្នួលដាំទុរេនឲ្យគេនៅខេត្តព្រះសីហនុ និងបានដេកស្នាក់នៅជាមួយគ្នាទីនោះមួយយប់។ លុះព្រឹកថ្ងៃទី ២៣ ខែ មេសា ឆ្នាំ ២០២០ ជនសង្ស័យ និងជនរងគ្រោះ បានទៅស៊ីឈ្នួលកាប់រណ្តៅដាំទុរេន ឲ្យគេនៅចំការ ខេត្តព្រះសីហនុ ហើយដល់ពេលយប់ជនសង្ស័យ និងជនរងគ្រោះ បានដេកនៅជាមួយគ្នា ហើយជនសង្ស័យបានរួមភេទ ជាមួយជាមួយជនរងគ្រោះបានសម្រេច។ រហូតដល់ព្រឹកថ្ងៃទី ២៤ ខែ មេសា ឆ្នាំ ២០២០ ជនសង្ស័យ និង ជនរងគ្រោះ បាននាំគ្នាទៅស៊ីឈ្នួលដាំដើមទុរេនឲ្យគេបន្តទៀត ដល់វេលាម៉ោង១៣ ថ្ងៃ ខែ ឆ្នាំដដែល ក្រុមគ្រួសារសាច់ញាតិជនរងគ្រោះ បានដើររកហើយបានឃើញជនរងគ្រោះ និងជនសង្ស័យ កំពុងនៅជាមួយជាមួយគ្នាស៊ីឈ្នួលដាំទុរេនឲ្យគេ បន្ទាប់មកក្រុមគ្រួសារសាច់ញាតិបាននាំជនរងគ្រោះ ត្រឡប់មកផ្ទះវិញ ចំណែកជនសង្ស័យត្រូវបានក្រុមគ្រួសារជនរងគ្រោះ នាំមកប្រគល់ឲ្យសមត្ថកិច្ចស្រុកពញាឮ នៅយប់ថ្ងៃទី២៥ មេសា ២០២០ វេលាម៉ោង១និង៥នាទីរំលងអធ្រាត្រ ក្នុងពេលនោះម្ដាយជនរងគ្រោះបានដាក់ពាក្យបណ្តឹង ។
បច្ចុប្បន្នជនសង្ស័យខាងលើ កំពុងឃាត់ខ្លួន នៅអធិការដ្ឋាននគរបាលស្រុកពញាឮ ដើម្បីសាកសួរ និងបន្តចាត់ការតាមនីតិវិធី៕ដោយ៖កូឡាប
