បាត់ដំបងៈក្រុមហ៊ុន ជឹងហៃណា អ៊ិនដាសស្ទ្រី (ZHENGHAINA INDUSTRY Co.,ltd) បានផ្ដល់សម្ភារបរិក្ខារ សុខាភិបាល ដើម្បីគាំទ្រទាំងផ្នែកជំនាញផ្សព្វផ្សាយអប់រំការងារទប់ស្កាត់ជំងឺកូវីដ១៩ដល់អាជ្ញាធរខេត្តបាត់ដំបងពីសំណាក់ស្ថានភាពថ្នាក់ជាតិរបស់រដ្ឋ និងវិឯស័កជន ។
ក្នុងពេលទទួលអំណោយសម្ភារបរិក្ខារសុខាភិបាលពីក្រុមហ៊ុន ជឹងហៃណា អ៊ិនដាសស្ទ្រី (ZHENGHAINA INDUSTRY Co.,ltd) បានធ្វើឡើងកាលពីថ្ងៃទី២៥ខែមេសាឆ្នាំ២០២០ ក្រោមអធិបតីភាពលោក សឿម ប៊ុនរិទ្ធ អភិបាលរងខេត្តបាត់ដំបង។
លោក សឿម ប៊ុនរិទ្ធ អភិបាលរងខេត្តបាត់ដំបង បានមានប្រសាសន៍ថាចាប់តាំងពីរាជរដ្ឋាភិបាល បានដាក់ចេញនូវសេចក្តីប្រកាសឲ្យអាជ្ញាធរគ្រប់រាជធានី ខេត្ត ចុះផ្សព្វផ្សាយអប់រំការការពារទប់ស្កាត់ការឆ្លងជំងឺកូវីដ១៩។រដ្ឋបាលខេត្តបាត់ដំបង បានចុះអនុវត្តនូវការងារនេះរាល់ថ្ងៃ គ្រប់ភូមិឃុំ មិនមានចន្លោះនោះទេ។ក្រៅពីការជួយជ្រោមជ្រែងពីរាជរដ្ឋាភិបាល រួមទាំងក្រសួងស្ថាប័នរដ្ឋ ដែលការងារនេះ ត្រូវបានចាប់អារម្មណ៍ខ្លាំងពីវិស័យឯកជន ដោយពួកគេបានជួយឧបត្ថម្ភទាំងបរិក្ខារសុខាភិបាល ថវិកានិងគ្រឿងឧប
ភោគបរិភោគផ្សេងៗជាបន្តបន្ទាប់។ជាក់ស្ដែងដូចក្រុមហ៊ុន ជឹងហៃណា អ៊ិនដាសស្ទ្រី បានផ្ដល់នូវម៉ាស៊ីនបាញ់ថ្នាំ ទឹកថ្នាំ រួមទាំងសាប៊ូលាងដៃ ហើយក្នុងនាមរដ្ឋបាលខេត្ត សូមថ្លែងអំណរគុណដល់សប្បុរសជនានា និងក្រុមហ៊ុនផងដែរ។
លោក អ៊ិន លុង តំណាងក្រុមហ៊ុន ជឹងហៃណា អ៊ិនដាសស្ទ្រី បានប្រាប់ឲ្យដឹងថា ការងារទប់ស្កាត់ការរីករាលដាលនៃការឆ្លងជំងឺកូវីដ១៩នេះ មិនមែនត្រឹមរាជរដ្ឋាភិបាលនោះទេ ដែលត្រូវធ្វើគឺត្រូវមានការចូលរួមពីគ្រប់ភាគីមានប្រជាពលរដ្ឋនិងវិស័យឯកជនផ្សេងៗ ទើបក្រុមហ៊ុនរបស់លោក បាននាំយកម៉ាស៊ីនបាញ់ថ្នាំចំនួន ៣គ្រឿង ទឹកថ្នាំ២តោននិងសាប៊ូលលាងដៃ ៣០០០ដុំ មកចូលរួមជាមួយរដ្ឋបាលខេត្តបាត់ដំបងក្នុងការងារទប់ស្កាត់ជំងឺនេះ ។
គួរបញ្ជាក់ផងដែរថា នៅខេត្តបាត់ដំបង មានអ្នកឆ្លងជំងឺកូវីដ១៩ ចំនួន៨នាក់ ស្រី២នាក់ ហើយអ្នកជំងឺទាំងអស់ត្រូវបានជាសះស្បើយនិងត្រូវបានអនុញ្ញាតត្រឡប់ទៅផ្ទះវិញអស់ហើយ ៕
ដោយៈអ៊ុងសារុំ
