ខេត្តព្រះវិហារ ៖ ភ្លៀងលាយឡំនឹងខ្យល់កន្ត្រាក់បានវាយប្រហារមកលើភូមិសាស្ត្រភូមិកោងយោងឃុំយាងស្រុកជាំក្សាន្តនៃខេត្តព្រះហារ កាលពីល្ងាច នាថ្ងៃទី២៥ ខែមេសា ឆ្នាំ២០២០ បំផ្លាញផ្ទះប្រជាពលរដ្ឋចំនួន១៨ខ្នង។
លោក ភីវ ដៀន អភិបាលស្ដីទីស្រុកជាំក្សាន្តបានឲ្យដឹងថា ទំហំនៃកាខូចខាត់ដោយសារឧបទ្ទវហេតុដែលបង្កឡើងដោយសាតែខ្យល់កន្ត្រាក់បានធ្វើឲ្យផ្ទះប្រជាពលរដ្ឋចំនួន១៨ខ្នង បានរងនៅកាខូចខាត់ស្ទើរតែទាំងស្រុង ក្នុងនោះរបើកដំបូលអស់១៣ខ្នងផ្ទះ ហក់ចេញពីជើងតាងចំនួន៤ខ្នង រលំដើមឈើសង្កត់១ខ្នងផ្ទះ ដោយឡែកសាលារៀនក៏ត្រូវរបើកក្បឿងអស់មួយចំនួនផងដែរ។
លោកអភិបាលស្ដីទីស្រុកជាំក្សាន្តបានបញ្ជាក់ផងដែរថា ខ្យល់កន្ត្រាក់នេះ គឺមិនបណ្តាលឲ្យមានគ្រោះថ្នាក់រងរបួស ឬក៏បាត់បង់ដល់អាយុជីវិត ប្រជាពលរដ្ឋណាម្នាក់ ឬក៏មានផលប៉ះពាល់ដល់ជីវិតសត្វព្វាហនៈនោះទេ។
លោកអភិបាលស្ដីទីស្រុកជាំក្សាន្ត ក៏បានធ្វើកាអំពាវនាវដល់បងប្អូនប្រជាពលរដ្ឋ ដោយធ្វើយ៉ាងណា មេត្តាប្រុងប្រយ័ត្នឲ្យបានខ្ពស់បំផុត ទៅលើករណីគ្រោះធម្មជាតិនេះ ព្រោះរដូវនេះជារដូវភ្លៀងនឹងចាប់ផ្តើមធ្លាក់មកជាបណ្តើៗហើយ។ បងប្អូនប្រជាពលរដ្ឋដែលទៅប្រកបមុខរបធ្វើស្រែចំការនៅឆ្ងាយៗពីផ្ឋះ ប្រសិនមើលមេឃរកកល់នឹងភ្លៀង សូមមេត្តាឆាប់រូតរះប្រយ៉ាប់វិលត្រឡប់ មកកាន់លំនៅដ្ឋានវិញ ឬមួយក៏អាចស្វែងរកទីទួលសុវត្ថិភាពណាមួយ ដើម្បីការពារបាតុភូតផ្គររន្ទះ ដែលបង្កឡើងជាយថាហេតុ៕ដោយ៖បញ្ញាស័ក្តិ
