ភ្នំពេញ ៖ ស្ត្រីជនជាតិវៀតណាមម្នាក់ បានចែកចាយបង្ហោះលើហ្វេសប៊ុក នូវរូបភាពអាសអាភាស អាក្រាតកាយពេលងូតទឹក បង្ហោះលើហ្វេសប៊ុក ត្រូវបានកម្លាំងនគរបាលឃាត់ខ្លួន នៅចំណុច សិប្បកម្មធ្វើតុ-ទូ ភូមិតាងៅកណ្តាល សង្កាត់ និរោធ ខណ្ឌច្បារអំពៅ កាលពីថ្ងៃទី២៤ ខែមេសា ២០២០ វេលាម៉ោង១៧និង០០នាទី។
ជនសង្ស័យឃាត់ខ្លួនឈ្មោះ ង្វៀង ធីម៉ាំង អាយុ២៥ឆ្នាំ ជនជាតិវៀតណាម មុខរបរ កម្មករធ្វើតុ-ទូ ស្នាក់នៅភូមិតាងៅកណ្តាល សង្កាត់និរោធ ខណ្ឌច្បារអំពៅ។
ជនរងគ្រោះឈ្មោះ ជ ធម អាយុ១៦ឆ្នាំ ជនជាតិវៀតណាម មុខរបរ លក់កាហ្វេ ស្នាក់នៅភូមិ.សង្កាត់ក្បាលកោះ ខណ្ឌច្បារអំពៅ។
តាមរបាយការណ៍បានឲ្យដឹងថា មុនពេលកើតហេតុ ជនរងគ្រោះ បានឆែក Account Facebook ខ្លួនមើល ក៏ឃើញ Account Facebook ឈ្មោះ Ra Da (ជនសង្ស័យឈ្មោះ ង្វៀង ធីម៉ាំង) បានយករូបថតអាក្រាតកាយជនរងគ្រោះពេលងូតទឹក មកបង្ហោះរួចសរសេរជាភាសាវៀតណាម បកប្រែក្រៅផ្លូវការជាភាសារខ្មែរ មានន័យថា ជនសង្ស័យនិយាយបង្ខូចមើលងាយជនរងគ្រោះជារឿងអាក្រក់ខ្លាំងណាស់។
បន្ទាប់មកជនរងគ្រោះក៏យករឿងហេតុខាងលើប្រាប់ឪពុក។ លុះដល់ថ្ងៃទី២៥ ខែមេសា ឆ្នាំ២០២០ វេលាម៉ោង២២និង០០នាទី ជនរងគ្រោះនិងក្រុមគ្រួសារឃើញជនសង្ស័យ នៅភូមិតាងៅកណ្តាល សង្កាត់និរោធ ក៏ឃាត់ខ្លួនប្រគល់ឲ្យសមត្ថកិច្ច ចាត់ការតាមច្បាប់៕ដោយ៖កូឡាប