ភ្នំពេញ៖ បុរសម្នាក់សង្ស័យស្រវឹងបើករថយន្ត ទៅបុករះរថយន្ត២គ្រឿងទៀត បណ្តាលឲ្យរងការខូចខាតយ៉ាងដំណំ
ទីតាំងតាមបណ្តោយផ្លូវ ២៧១ សង្កាត់បឹងទំពន់ទី២ ខណ្ឌមានជ័យ រាជាធានីភ្នំពេញ នៅវេលាម៉ោង១១ និង១៤ នាទីយប់
ថ្ងៃអាទិត្យ ទី២៦ ខែមេសា ឆ្នាំ២០២០។
គ្រោះថ្នាក់ចរាចរណ៍នេះ បង្កឡើងដោយរថយន្តកាមរីហាយប្រ៊ីត ពណ៌ខ្មៅ ផ្លាកលេខភ្នំពេញ 2R 1771 បានរងការខូចខាតផ្នែកខាង ដោយបាក់កាឡេកង់ខាងមុខ បន្ទាប់ពីបុករះរថយន្ត២គ្រឿងរួចមក។ ចំណែករថយន្តមួយគ្រឿងទៀតម៉ាកតូយ៉ូតាព្រូស ពណ៌ស ផ្លាកលេខ2AY1235 និងរថយន្តមួយគ្រឿងទៀត ម៉ាក វីស្តូ ពណ៌ស ពាក់ផ្លាកលេខ ភ្នំពេញ 2AI 0075។
ទោះយ៉ាងណាក៏ដោយ ភាគីទាំងសងខាង បានធ្វើការសម្របសម្រួលគ្នា បញ្ចប់រឿងកុំឲ្យវែងឆ្ងាយ៕ដោយ៖ CEN