ឆ្នាំជូត
រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកប្រកកិច្ចការងារមិនថាតូចធំគឺតែងមានការរីកលូតលាស់ និង ហុចជាផលគ្រាន់កក់ក្តៅផងដែរ។
ជំនួញ ៖ ដោយសារដួងរាសីឡើងខ្ពស់ ដូចនេះបើលោកអ្នកចង់ធ្វើអ្វីក៏តែងផ្តល់ផ្លែផ្កាជាផលកម្រៃ និង មានជោគមានជ័យច្រើន។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ បើលោកអ្នកចង់ទំនាក់ទំនងស្នេហាថ្មីថ្មោងតែងមានក្តីសង្ឃឺមគួរជាទីរីករាយ៕
ឆ្នាំឆ្លូវ
រាសីខ្ពស់ត្រដែត។
ការងារ ៖ នៅថ្ងៃនេះដួងរាសីរបស់លោកអ្នកល្អប្រសើរ ដូចនេះបើចង់ធ្វើអ្វីក៏តែងអាចសម្រុកពេញទីបានហើយពីព្រោះថាផលល្អៗតែងឆ្លើយតបមកវិញគ្រាន់ជាទីពេញចិត្ត។ ក្នុងសប្តាហ៍នេះតាមក្បួនហោរាសាស្ត្រចិនបានឱ្យដឹងដែរថា លោកអ្នកទទួលរងបញ្ហាឈឺក្បាលនិងរឿងរាវបន្តិចបន្តួចនាំជួបការលំបាកត្រូវឆ្លងកាត់មួយចំនួនផង។
ជំនួញ ៖ ដោយសារដួងរាសីល្អប្រសើរដូចនេះការប្រកបការងារតូចធំតែងហុចជាផលកម្រៃគ្រាន់ពេញចិត្តជានិច្ច។
ស្នេហា ៖ មានភាពជឿនលឿននិងផ្អែមល្ហែមគួរសម៕
ឆ្នាំខាល
រាសីល្អជាមធ្យម។
ការងារ ៖ ក្នុងថ្ងៃនេះដោយសារដំណើរជីវិតមិនល្អប្រសើរ ដូចនេះបើទោះបីធ្វើអ្វីក៏ដោយតោងមានចិត្តត្រជាក់បើពុំនោះទេនឹងកើតបញ្ហាឬរឿងរាវជម្លោះកើតឡើងពុំខាន។ក្រៅពីនេះការប្រកបការងារត្រូវមានចិត្តត្រជាក់ហើយធ្វើមិនដឹងមិនឮចំពោះសម្តីមនុស្សខ្លះទើបសុខស្រួលខ្លួន។
ជំនួញ ៖ ពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់វិញបន្តិច ដូច្នេះគួរមានការប្រយ័ត្នប្រយែងឱ្យបានខ្លាំងក្លាពិសេសឱ្យប្រយ័ត្នគ្រោះចាញ់បោកគេតែម្តង។
ស្នេហា ៖ ជួបភាពប្រទាំងប្រទើសនិងប្រឆាំងគ្នាច្រើនព្រោះម្នាក់ៗយកភាពមានៈដាក់ខ្លួន៕
ឆ្នាំថោះ
រាសីល្អជាមធ្យម។
ការងារ ៖ នៅពេលនេះបើមានបញ្ហាអ្វីនឹងប្រែមកធូរស្បើយ ហើយបើបើមានឧបសគ្គនឹងរឿងរាវក៏ចាប់ផ្តើមអាចរកដំណោះស្រាយប្រសើរជាងមុនផងដែរ។
ជំនួញ ៖ ថ្ងៃនេះទោះជួញទីជិតឆ្ងាយផលចំណូលជួបការលំបាកបន្តិចពិសេសងាយត្រូវកើតទំនាស់ជាមួយអ្នកដទៃថែមទៀត ។
ស្នេហា ៖ បើមានការចូលស្តីដណ្តឹងឬរៀបអាពាហ៍ពិពាហ៍ជាពេលវេលាល្អប្រពៃបំផុត៕
ឆ្នាំរោង
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងការងារ ឬ ចរចា បញ្ហាអ្វីមួយពីព្រោះថាផលតែងឆ្លើយតបមកវិញគ្រាន់កក់ក្តៅផងដែរ។ការធ្វើដំណើរឆ្ងាយជិតលោកអ្នកនឹងមានគេយល់ចិត្តនិងមានការអាណិតអាសូរផង។
ជំនួញ ៖ មានការជឿនលឿនទៅមុខនិងមានជោគមានជ័យ។
ស្នេហា ៖ បើមានជម្លោះវិវាទពេលនេះជាឱកាសល្អក្នុងការដោះស្រាយហើយ៕
ឆ្នាំម្សាញ់
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកសម្រេចចិត្តរឿងអ្វីមួយពីព្រោះថាផ្លែផ្កាល្អតែងហុចមកវិញគ្រាន់ជាទីពេញចិត្ត។
ជំនួញ ៖ បើលោកអ្នកចង់ផ្លាស់ប្តូរមុខរបរថ្មីឬចង់ផ្លាស់ទីកន្លែងលក់ដូរក៏ជាឱកាសប្រពៃណាស់ព្រោះមានភាពកាក់កបគ្រាន់បើ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ មានការជឿនលឿនទៅមុខហើយបើមានការចូលស្តីដណ្តឹងតែងសមដូចប្រកប៕
ឆ្នាំមមី
រាសីស្រុតចុះ។
ការងារ ៖ នៅថ្ងៃនេះដោយសារដួងរាសីស្រុតចុះ ហេតុនេះទោះធ្វើអ្វីក៏ដោយតោងតែមើលមុខក្រោយពីព្រោះងាយជះផលអាក្រក់មកវិញណាស់។ ក្រៅពីនេះលោកអ្នកគប្បីធ្វើបុណ្យដាក់ទាននិងរំដោះគ្រោះនាពេលនេះកាន់តែប្រសើរ។
ជំនួញ ៖ ចូរប្រយ័ត្នគ្រោះចាញ់បោកគេពីព្រោះថាងាយកើតឡើងជាងសព្វមួយដង។
ស្នេហា ៖ ប្រយ័ត្នអ្នកទី៣ចូលមកនាំកើតតែបញ្ហាសៅហ្មងដាក់គ្នា៕
ឆ្នាំមមែ
រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកជួបនូវបញ្ហាមិនល្អយាយីច្រើន ហេតុនេះមិនត្រូវណាត់រឿងសំខាន់ ឬ ចរចាបញ្ហា ធំដុំ ណាមួយឡើយពីព្រោះថាផលមិនល្អច្រើនកើតឡើងនាពេលក្រោយវិញផងដែរ។
ជំនួញ ៖ មិនត្រូវបង្កជម្លោះ ឬ លោភលន់ អ្វីឡើយបើពុំនោះទេផលអាក្រក់ៗអាចនឹងកើតមានបានគ្រប់ពេលទាំងអស់។
ស្នេហា ៖ មានការជឿនលឿនទៅមុខយឺតហើយងាយថយក្រោយណាស់៕
ឆ្នាំវក
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកមិនសូវល្អទេគឺមានគ្រោះច្រើនបន្តិច ដូចនេះទោះធ្វើអ្វីៗគប្បីមានការប្រយ័ត្នប្រយែងទើបអាចចៀសផុតផលអាក្រក់ចំពោះមុខទៅរួច។ចំណែកការប្រកបការងារអ្វីត្រូវចេះត្រួតពិនិត្យ ហើយពិចារណាឱ្យបានគ្រប់ជ្រុងជ្រោយនោះផលល្អៗនឹងហុចឱ្យមកវិញជាក់ជាពុំខាន។
ជំនួញ ៖ ថ្ងៃនេះលាភតូចធំច្រើនបោលហួស និង ចាប់មិនសូវជាប់ប៉ុន្មានទេ។
ស្នេហា ៖ ជួនល្អជួនអាក្រក់ព្រោះតែម្នាក់ៗមានចិត្តចង់ឈ្នះចង់ចាញ់គ្នាមិនតិចឡើយ៕
ឆ្នាំរកា
រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកល្អប្រសើរ ដូចនេះបើចង់ប្រកបការងារអ្វីក៏តែងមានការជឿនលឿនទៅមុខគ្រាន់ជាទីពេញចិត្ត។ការរស់នៅលោកអ្នកត្រូវចេះគ្រប់គ្រងអារម្មណ៍ខ្លួនឯងឱ្យបានល្អដោយមិនត្រូវប្រកាន់ចិត្តឆេវឆាវដោយពុំយកហេតុផលដាក់ខ្លួនប្រយ័ត្នចៃដន្យអាក្រក់ខ្លួនឯងត្រូវសោះប្រែជាខុសហើយត្រូវមកក្លាយជាជនរងគ្រោះវិញ។
ជំនួញ ៖ ប្រាក់កាសដែលធ្លាប់តែបោលហួសឬហោះរំលងពេលនេះអាចឈោងចាប់បានខ្លះៗវិញហើយ។
ស្នេហា ៖ មានភាពផ្អែមល្ហែមនិងស្រស់ស្រាយគួរជាទីកក់ក្តៅ ៕
ឆ្នាំច
រាសីស្រុតចុះ។
ការងារ ៖ នៅថ្ងៃនេះបើលោកអ្នកប្រកបការងារអ្វីតែងមិនសូវជឿនលឿន និង ហុចជាលទ្ធផលដូចគាប់បំណងនោះឡើយ។ កិច្ចការងារមួយចំនួនតែងយឺតយូរ និង សម្រេចមិនដល់គោលដៅថែមទៀត។
ជំនួញ ៖ ការជួញទីជិតឆ្ងាយចូរប្រយ័ត្នកើតការជម្លោះវិវាទណាមួយជាមួយមនុស្សនៅក្បែរខ្លួនដែលនាំជះឥទ្ធិពលអាក្រក់នាពេលក្រោយ។
ស្នេហា ៖ កុំឃើញភ្លាមស្រឡាញ់ភ្លែតប្រយ័ត្នជួបរឿងកម្មក្រាសនៅពេលក្រោយហើយមកដេកឈឺចិត្ត៕
ឆ្នាំកុរ
រាសីល្អជាមធ្យម។
ការងារ ៖ នៅថ្ងៃនេះបើទោះបីធ្វើអ្វីក៏ដោយតោងតែមានការប្រយ័ត្នប្រយែងព្រោះថាអាចមានការប្រែក្រឡាស់ពីល្អមកអាក្រក់បានទាំងអស់។ក្រៅពីនេះការបំពេញការងារមិនត្រូវធ្វេសប្រហែសឬធ្វើដោយរួចៗពីដៃបានដែរបើពុំនោះទេនឹងជះឥទ្ធិពលមិនល្អណាមួយនៅពេលក្រោយនាំពិបាកដោះស្រាយថែមទៀត។
ជំនួញ ៖ ថ្ងៃនេះ ជួបការលំបាកក្នុងការរកផលកម្រៃណាស់ឯការជួញទីជិតឆ្ងាយទៀតសោតកើតមានភាពរកាំរកូសច្រើន។
ស្នេហា ៖ មានការហួងហែងនិងម្នាក់ៗយកភាពប្រចែប្រច័ណ្ឌដឹកមុខមិនតិចនោះទេ ៕