ស្ទឹងត្រែង៖ អ្នកជិះម៉ូតូឌុបគ្នាពីរនាក់មានល្បឿនលឿន បានធ្លាក់ចូលប្រឡាយលូកាត់ទទឹងថ្នល់ បណ្តាលឲស្លាប់ម្នាក់ និងម្នាក់ទៀតរងរបួសធ្ងន់។ គ្រោះថ្នាក់ចរាចរណ៍នេះ កើត មាននៅលើកំណាត់ផ្លូវកំពុងស្ថាបនាមួយ ស្ថិតក្នុងភូមិអន្លង់ស្វាយ ឃុំអូររៃ ស្រុកថាឡាបរិវ៉ាត់ ខេត្តស្ទឹងត្រែង កាលពីវេលាម៉ោង៨និង ៣៥ នាទីយប់ថ្ងៃទី២៧ ខែមេសា ឆ្នាំ២០២០។
នគរបាលបានបញ្ជាក់ថា អ្នកបើកម៉ូតូឈ្មោះទុង មីនា ភេទ ប្រុស អាយុ២០ ឆ្នាំមានមុខរបរ ជាកម្មករ ស្រុកកំណើតនៅភូមិញ៉ាងស៊ុំ ឃុំថ្មកែវ ស្រុកសៀមប៉ាង ខេត្តស្ទឹងត្រែង។ អ្នករួមដំណើរឈ្មោះវង្ស ត្រា ភេទ ប្រុស អាយុ ៣៥ឆ្នាំ មុខរបរជាកម្មករ មានទីលំនៅភូមិអូររៃ ឃុំអូររៃ ស្រុកថាឡាបរិវ៉ាត់ ខេត្តស្ទឹងត្រែង។
ប្រភពដដែលបានបញ្ជាក់ថា ករណីគ្រោះ ថ្នាក់ចរាចរណ៍នេះ បណ្តាលមកពីបើកម៉ូតូក្នុងល្បឿន ខ្វះការប្រុងប្រយ័ត្ន មិនពាក់មួកការពារសុវត្ថិភាព៕ ដោយ ៖ សុខុម