កូនប្រុសម្នាក់នៅក្នុងប្រទេសសិង្ហបុរី បានជូនដំណើរចុងក្រោយ ចំពោះបុរសឪពុករបស់គាត់ដែលបានលាចាកលោកទៅ ពោរពេញភាពរុងរឿងក្រៃលែង ។ ទង្វើសងគុណអ្នកមានគុណដ៏មហិមានេះ បុរសជនជាតិឥណ្ឌាពុំត្រូវបានបញ្ជាក់ឈ្មោះនេះ បានយកលុយដ៏សន្ទឹកសន្ទាប់ RM 30,000 (ស្មើនឹង ៧៦២៤ ដុល្លារ) ជាកុសលបុណ្យសព ។
រូបភាព២សន្លឹកនៃពិធីបុណ្យសពនេះ បានរីករាលដាលនៅលើបណ្តាញសង្គម ដែលបង្ហាញឲ្យឃើញមឈូសសព ពោរពេញដោយក្រដាសលុយ 50 RM មុនពេលដាក់បញ្ចុះ ។ គេបានដឹងថា ឪពុកបុរសម្នាក់នេះ បានស្លាប់ដោយសាររោគជំងឺជាច្រើន ។ ពិធីបុណ្យសពនេះត្រូវបានធ្វើឡើងនៅភាគខាងត្បូង Selangor, ទីកន្លែងដែលបុរសជាកូនកត្តញូម្នាក់នោះចំណាយលុយពិតប្រភេទក្រដាស 50 ចំនួន ៦០០ និងបាច់ផ្កាស្រស់ៗលម្អមឈូសឪពុកជាទីស្រលាញ់របស់គាត់ ។
ទោះយ៉ាងណា អ្នកប្រើប្រាស់បណ្តាញសង្គមមួយចំនួនបាន Comment បារម្ភថា៖ មឈូសនេះនឹងប្រាកដនឹងត្រូវចោរលួចនៅពាក់កណ្តាលយប់ ខណៈខ្លះទៀតមានការសង្ស័យថាតើសាច់ប្រាក់នោះពិត ឬ យ៉ាងណា ។ ប៉ុន្តែ បើសាច់ញាតិរបស់សព បានឲ្យដឹងថា ចំនួនលុយទាំងនោះគឺពិត RM 30,000 ៕ ចន្ទី