ស្ទឹងត្រែង៖ ផ្លូវក្រួសក្រហម មួយខ្សែចំណាយលើគ្រោងមានទំហំទឹកប្រាក់ប្រមាណជា៦ពាន់លានរៀលស្ថាបនាជិតរួចរាល់ហើយបែរជាទុកលូកាត់ទទឹងចោល។
ពលរដ្ឋរិះគន់ថា អ្នកម៉ៅការស្ថាបនាផ្លូវ សង់ ស្ពាន និងដាក់ប្រព័ន្ធលូកាត់ទទឹងផ្លូវមិនប្រឹងធ្វើឲរួចរាល់បែរជាទុកលូចោលពុំកាយដីលុបបង្កឲមានគ្រោះថ្នាក់មនុស្សស្លាប់និងរបួសច្រើនករណី។
លូកាត់ទទឹងផ្លូវត្រូវអ្នកម៉ៅការទុកចោលនិងមិនដាក់សញ្ញាជាស្គាល់ប្រុងប្រយ័ត្ននោះអស់រយៈពេលជាច្រើនខែមកហើយគឺលូពីរកន្លែងនៅភូមិអន្លង់ស្វាយឃុំអូររៃ។
លូនៅសែសសល់មិនទាន់លុបដីបានផ្តាច់ជីវិតអស់មនុស្សពីរនាក់មកហើយនិងមានអ្នករងរបួសច្រើននាក់ទៀត។
ផ្លូវក្រួសក្រហម មួយខ្សែនេះមានប្រយោជន៍ដល់ពលរដ្ឋរាប់រយគ្រួសារឆ្លងកាត់ឃុំចំនួន២គឺឃុំអូររៃនិងឃុំកាំងចាមស្រុកថាឡាបរិវ៉ាត់តភ្ជាប់ឃុំសៀមបូកស្រុកសៀមបូក។ផ្លូវនេះពីមុនការធ្វើដំណើរដោយលំបាក។
ក៏ប៉ុន្តែ ចាប់ពីស្ថាបនានៅក្នុងឆ្នាំ ២០១៩មកការធ្វើដំណើរពីជនបទមកទីក្រុងមានលក្ខណៈងាយស្រួល ហើយបានបម្រើគ្រប់វិស័យដូចជាការធ្វើដំណើរ ដឹកកសិផល ដឹកអ្នកជំងឺមកខេត្តស្ត្រីមានផ្ទៃពោះជាដើម។
ផ្លូវនោះគឺជាកញ្ចប់ថវិកា រាជរដ្ឋាភិបាលប្រមាណជា៦ពាន់លានរៀល តាមរយៈសាលាខេត្តស្ទឹងត្រែងនិងមន្ទីរអភិវឌ្ឍន៍ជនបទខេត្ត។
ជាមួយនោះ មន្ត្រីសាលាខេត្តស្ទឹងត្រែងបានដឹងថា គម្រោងស្ថាបនាផ្លូវ ស្ពានតាមបណ្តោយដងទន្លេមេគង្គនេះគ្រោងនឹងបញ្ចប់នៅខែឧសភាខាងមុខ។ គ្រោងបន្តបញ្ចប់ផ្លូវដល់ឃុំសៀមបូកស្រុកសៀមបូកទៀត៕
ដោយ ៖ សុខុម
