ខេត្តព្រះសីហនុ៖ នៅ ថ្ងៃទី ២៨ ខែមេសា ឆ្នាំ២០២០ ឯកឧត្តម គួច ចំរេីន អភិបាល នៃគណៈអភិបាលខេត្តព្រះសីហនុ បានចុះពិនិត្យទីតាំងធ្វេីស្រែបង្គារ ដែលស្ថិតនៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ដោយមានការចូលរួមពី ឯកឧត្តមអភិបាលរងខេត្ត ប្រធានមន្ទីរពាក់ព័ន្ធ និងលោកអភិបាលស្រុកព្រៃនប់។
លោក សូ សុរិយា តំណាងក្រុមហ៊ុនឲ្យ ដឹងថា ស្រែបង្គានេះមានផ្ទៃដីជាង១០០ហិកតា ហើយបច្ចុប្បន្ន ផលបង្គាចិញ្ចឹមបែបធម្មជាតិនេះ បានផ្គត់ផ្គង់ទីផ្សារក្នុងខេត្តព្រះសីហនុផង និងបណ្តាខេត្តតំបន់ឆ្នេរ។
ឯកឧត្តមអភិបាលខេត្តមានប្រសាសន៍ថា រដ្ឋបាលខេត្តគាំទ្រគម្រោងនេះ និងជំរុញអោយពង្រីកតំបន់នេះបន្ថែមទៅជាតំបន់ទេសចរណ៍ជាមួយនិងការចិញ្ចឹមបែបវារីវប្បកម្ម សម្រាប់អ្នកទេសចរណ៍ជាតិនិងអន្តរជាតិមកលេងកម្សាន្ត និងស្វែងយល់ពីធម្មជាតិផងដែរ ៕
ដោយ៖កូឡាប