អ្នកបើកដែលមានអត្តចរិកខិលខូចមួយចំនួនតូច ជារឿយៗគេតែងតែឃើញធ្វើរឿងបំភិតបំភ័យ ទៅលើអ្នកដំណើរជាពិសេសអ្នកថ្មើរជើងតាមចិញ្ចើម ឲ្យភ័យលោះព្រលឹងតែម្តង តាមរយៈវិធីលេងសើចបើករថយន្តបម្រុងបុក ឬ បើកឆាបជាដើម ។
ជាក់ស្តែង ស្រីស្អាតជាសារព័ត៌មានម្នាក់ ត្រូវបានអ្នកបើកបរខិលខូចម្នាក់ បានបើករថយន្តឆាបពីមុខលឿនស្លេវ ធ្វើឲ្យនាងភ័យស្រឡាំងកាំងយ៉ាងខ្លាំង ខណៈនាងកំពុងរាយការណ៍ព័ត៌មាន នៅក្នុងទីក្រុង Ramallah, West bank នៃប្រទេសប៉ាឡេស្ទីន កាលពីថ្ងៃទី២៤ ខែមេសា ឆ្នាំ២០២០ ។
ទោះយ៉ាងណា ក្រោយវីដេអូនៃករណីលេងសើចនេះ បានផ្ទុះឡើងនៅលើអ៊ីនធើរណេត សមត្ថកិច្ចក៏បានបើកការស្រាវជ្រាវ និងទីបំផុត ឈានទៅចាប់អ្នកបើកបរខិលខូចរូបនោះ ដើម្បីធ្វើការផាកពិន័យទុកជាមេរៀន៕
ប្រែសម្រួល៖ លឹម ហុង (liveleak)