ភ្នំពេញ៖ អាជ្ញារធរខណ្ឌមានជ័យចុះរុះរើដីតាមមាត់ប្រឡាទឹកស្អុយ កំពុងតែអភិវឌ្ឍន៍របស់សាលារាជធានី នាព្រឹកថ្ងៃទី២៩ ខែមេសា ឆ្នាំ២០២០ នាវេលាម៉ោង៩និង៣០ព្រឹក នៅទីតាំងតាមប្រឡាយទឹកស្អុយ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
កម្លាំងគណៈបញ្ជាឯកភាពខណ្ឌមានជ័យ ដឹកនាំដោយលោក ឡុង ង៉ែត អភិបាលរងខណ្ឌ បានយកគ្រឿងកាយចោលរបង ដែលសងព័ទ្ធយកដីសហគមន៍មួយកន្លែង ស្ថិតក្នុងភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យរាជធានីភ្នំពេញ ក្រោយមានការស្នើសុំអន្តរាគមន៍ ពីប្រជាពលរដ្ឋក្នុងសហគមន៍ ។
ជាមួយគ្នានោះដែរ ប្រជាពលរដ្ឋដែលរស់នៅក្នុងសហគមន៍ បានឲ្យដឹងថា ក្នុងសហគមន៍របស់ពួកគាត់ មានប្រជាពលរដ្ឋជាង៥០០គ្រួសារ ប៉ុន្តែមានតែ៣០គ្រួសារប៉ុណ្តោះ ដែលរងគ្រោះ ដោយក្រុមឈ្មួញព័ទ្ធយកដីស្របច្បាប់របស់ពួកគាត់ ។
ប្រជាពលរដ្ឋដដែរបន្តថា បន្ទាប់ឃើញមានការសងរបងហ៊ុមព័ទ្ធដីសហគមន៍ពួកគាត់ ទើបពួកគាត់នាំគ្នា ដាក់សំណើរសុំការអន្តរាគមន៍ ពីអាជ្ញាធរសង្កាត់ខណ្ឌតែម្តង ។
បន្ទាប់ពីអាជ្ញាធរវាយកម្ទេចរបងនិងបោះបង្គោលព្រំដីរួចរាល់ ប្រជាពលរដ្ឋក្នុងសហគមន៍ទាំងអស់ បានសម្តែងនូវក្តីរីករាយ នឹងថ្លែងអំណរដល់អាជ្ញាធរ ដែលបានផ្តល់យុត្តិធម៌ជូនពួកគាត់ផងដែរ ៕ ដោយ៖CEN
