ចំនួនករណីឆ្លងមេរោគកូវីដ១៩ នៅប្រទេសសិង្ហបុរី បានឈានដល់ ១៥.០០០ នាក់ ដោយសារតែមានអ្នកឆ្លងថ្មីចំនួន ៦៩០ នាក់ បន្ថែមទៀត គិតត្រឹមរសៀលថ្ងៃពុធ ទី២៩ ខែមេសានេះ ។
ក្រសួងសុខាភិបាល បាននិយាយនៅក្នុងការធ្វើបច្ចុប្បន្នភាពប្រចាំថ្ងៃ នៃតួលេខបឋមរបស់ខ្លួនថា ករណីឆ្លងថ្មីថ្មីភាគច្រើន គឺជាអ្នកកាន់ប័ណ្ណការងារ ដែលស្នាក់នៅក្នុងអន្តេវាសិកដ្ឋានពលករបរទេស។ ក្រៅពីនេះ ៦ ករណីជាជនជាតិសិង្ហបុរី ឬជាអ្នករស់នៅអចិន្ត្រៃយ៍។
ករណីថ្មីនេះបានធ្វើឲ្យអ្នកឆ្លងទូទាំងប្រទេស កើនដល់សរុបដល់ ១៥.៦៤១ នាក់ ។
ក្រសួងបានបន្ថែមឲ្យដឹងទៀតថា “យើងកំពុងធ្វើការលើសេចក្តីលម្អិត នៃករណីទាំងនេះ ហើយព័ត៌មានថ្មីៗ នឹងត្រូវបានចែករំលែកតាមរយៈសេចក្តីប្រកាសព័ត៌មាន របស់ក្រសួងមហាផ្ទៃ ដែលនឹងត្រូវចេញផ្សាយនៅយប់នេះ” ៕
ប្រែសម្រួល៖ លឹម ហុង (ប្រភព៖ channelnewsasia)