ខ្សែវីដេអូដែលអះអាងថាលោកគីម ជុងអ៊ុន បានស្លាប់ កំពុងសាយភាយយ៉ាងផុសផុលនៅក្នុងប្រទេសកូរ៉េខាងជើង ខណៈដែលអាថ៌កំបាំងនេះកាន់តែជ្រៅទៅៗ ចំពោះការបាត់ខ្លួនរបស់គាត់។
ប៉ូលិសកូរ៉េខាងជើងបានបង្កើតក្រុមការងារមួយ ដើម្បីព្យាយាម និងកំណត់ថាតើឃ្លីបវីដេអូនេះ ធ្វើឱ្យវាចូលទៅក្នុងព្រំដែន ដែលគ្រប់គ្រងយ៉ាងតឹងរ៉ឹងរបស់ពួកគេ តាមវិធីណាទៅ។
ពាក្យចចាមអារាមនេះ នៅតែបន្តនិយាយអំពីទីកន្លែងស្នាក់នៅ និងសុខភាពរបស់លោក គីម ជាមួយរបាយការណ៍ថា គាត់បានស្លាប់ផង និងឈឺធ្ងន់ផង ដែលបានផ្ទុះឡើងកាលពីសប្តាហ៍មុន។
ខ្សែវីដេអូចម្អកមើលទៅហាក់ដូចជា របាយការណ៍ព័ត៌មាន ដែលផ្សាយដោយទូរទស្សន៍កណ្តាលកូរ៉េ – (ទូរទស្សន៍របស់រដ្ឋកូរ៉េខាងជើង) ត្រូវបានគេជឿថា បានចូលរដ្ឋដ៏សម្ងាត់នេះ ពីប្រទេសចិនតែម្តង។
វីដេអូរយៈពេល ៥ នាទីបានអះអាងថា លោក គីម បានស្លាប់ក្នុងអំឡុងពេលត្រួតពិនិត្យមួយ កាលពីថ្ងៃទី ២៥ ខែមេសា។
វីដេអូនេះបានអះអាងថា ប្អូនស្រីរបស់គាត់ គឺលោក គីម យ៉ូជុង នឹងស្នងតំណែងពីគាត់ ជាមេដឹកនាំកំពូលកូរ៉េខាងជើង។
ឃ្លីបនេះ ត្រូវបានគេប្រើប្រាស់ពីពិធីបុណ្យសពរបស់លោក គីម ជុងអ៊ីល ហើយរួមបញ្ចូលជាមួយរូបភាព screenshot នៃអត្ថបទព័ត៌មាន ដែលមិនមានជាការពិត អំពីការស្លាប់របស់លោក គីម។
ទោះបីជាវីដេអូនេះ មើលទៅដូចជាក្លែងក្លាយក៏ដោយ ក៏វាត្រូវបានគេរាយការណ៍ថា បាននិងកំពុងសាយភាយ ដូចជាភ្លើងឆេះព្រៃនៅកូរ៉េខាងជើង។
ឃ្លីបនេះ បានកើតឡើង គឺបន្ទាប់ពីមានរបាយការណ៍ អំពីការជ្រួលច្របល់នៅក្នុងទីក្រុងព្យុងយ៉ាង ចំពេលមានពាក្យចចាមអារ៉ាម កំពុងកើតមានជុំវិញការស្លាប់របស់លោក គីម បន្ទាប់ពីត្រូវបានគេរាយការណ៍ថា បានទទួលការវះកាត់បេះដូង កាលពីថ្ងៃទី ១២ ខែមេសា។
ស្របពេលដែលមានរបាយការណ៍ថ្មី នៃអ្នករត់ចោលជួរ ដោយបានឆ្លងកាត់ព្រំដែនចូលប្រទេសចិននោះ នៅពេលនេះអាជ្ញាធរកូរ៉េខាងជើង បានបង្កើនការល្បាតតាមព្រំដែន និងបានសន្យាថា ពួកគេនឹងទទួលទណ្ឌកម្មយ៉ាងធ្ងន់ធ្ងរ ចំពោះជនណា ដែលហ៊ានចាកចេញ ពីអាណាចក្រផ្តាច់ការមួយនេះ៕
ប្រែសម្រួល៖ លឹម ហុង (ប្រភព៖ thesun.co.uk)
