ឆ្នាំជូត
រាសីស្រុតចុះ។
ការងារ ៖ ចង់សម្រេចចិត្តអ្វីមួយគប្បីមានការប្រយ័ត្នប្រយែង ពីព្រោះថាផលមិនល្អនោះងាយកើតចំពោះមុខច្រើនជាងសព្វដង។
ជំនួញ ៖ ផលកម្រៃមានហូរចូលខ្លះៗគ្រាន់ផ្សើមបំពង់អញ្ចឹងដែរតែយ៉ាងណាការធ្វើអ្វីមួយមិនអាចលោភលន់បានទេព្រោះភាពស៊យក៏មានតាមជាប់មិនទៅណាឆ្ងាយនៅឡើយដែរ។
ស្នេហា ៖ ងាយទាំងប្រទាំងប្រទើសហើយក៏ងាយកើតរឿងរាវចម្រូងចម្រាសផង៕
ឆ្នាំឆ្លូវ
រាសីល្អជាមធ្យម។
ការងារ ៖ លោកអ្នកងាយជួបបញ្ហាជម្លោះវិវាទ បៀតបៀនយាយីបន្តិច ដូចនេះត្រូវតាំងចិត្តត្រជាក់ហើយធ្វើមិនដឹងមិនឮបញ្ហាខ្លះទើបប្រសើរ។ ក្រៅពីនេះលោកអ្នកឱ្យប្រយ័ត្នការបំពេញការងារនិងបញ្ហាប្រាក់កាសពីព្រោះងាយកើតមានរឿងរាវល្អក់កករច្រើនដែរ ម្ល៉ោះហើយគប្បីមានការអត់ធ្មត់។
ជំនួញ ៖ មានការទិញចូលលក់ចេញគួរសម ឯផលកម្រៃទៀតសោតគ្រាន់ជាទីកក់ក្តៅ ។
ស្នេហា ៖ ជួបរឿងប្រទាំងប្រទើសនិងចាប់កំហុសគ្នាច្រើន៕
ឆ្នាំខាល
រាសីស្រុតចុះ។
ការងារ ៖ បើមានពឹងពាក់អ្នកដទៃតែងត្រូវគេបដិសេធ ហើយបើជួយនោះក៏មិនបានពេញទីនោះដែរ។ ទោះបីយ៉ាងណារាល់ឧបទ្រពទាំងនេះបើលោកអ្នកខិតខំពុះពារនោះក៏តែងរលាយបាត់អស់ទៅវិញ។
ជំនួញ ៖ ត្រូវរត់ទៅរកអតិថិជន ហើយត្រូវស្វះស្វែងបន្តិចទើបការរកប្រាក់ចំណូលគ្រាន់ប្រមូលបានដូចសេចក្តីប្រាថ្នាទៅរួច។
ស្នេហា ៖ មានការប្រចែប្រច័ណ្ឌនិងចាប់កំហុសគ្នាច្រើន៕
ឆ្នាំថោះ
រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នក ល្អប្រសើរ ដូចនេះអាចទទួលដំណឹងល្អឬមានរឿងរាវគួរឱ្យសប្បាយចិត្តកើតឡើងផង។
ជំនួញ ៖ មានភាពកាក់កបល្អ ហើយបើចង់ជួញផ្លូវឆ្ងាយទៀតសោតក៏តែងផ្តល់ផ្លែផ្កាគួរសមមួយចំនួនផង។ការធ្វើដំណើរឆ្ងាយជិតជួបភាពសុខដុមនិងក្រុមមនុស្សអាណិតស្រឡាញ់ជានិច្ច។
ស្នេហា ៖ មានភាពស្រស់ស្រាយប្រៀបដូចត្រីក្នុងទឹក៕
ឆ្នាំរោង
រាសីស្រុតចុះ។
ការងារ ៖ នៅថ្ងៃនេះលោកអ្នកចូរបញ្ហាអារម្មណ៍កើតជាជម្លោះជាមួយអ្នកដទៃដោយប្រកាណាមួយឡើង។ក្រៅពីនេះក៏ចូរប្រយ័ត្នប្រយែងបញ្ហាសុខភាពផងដែរ។
ជំនួញ ៖ បញ្ហាប្រាក់កាសមិនជួបការលំបាកទេតែបញ្ហាលំបាកនោះគឺតែងមានការរកាំចិត្តចំពោះមនុស្សជុំវិញខ្លួនទៅវិញទេ។ការធ្វើដំណើរឆ្ងាយជិតពុំសូវមានសុវត្តិភាពទ្បើយពិសេសទៅចំទិសឧត្តរប្រយ័ត្នឧប្បត្តិហេតុយាយីបន្តិច។
ស្នេហា ៖ មានការចាប់កំហុសព្រោះតែភាពប្រចែប្រច័ណ្ឌកំពុងដឹកមុខ៕
ឆ្នាំម្សាញ់
រាសីល្អជាមធ្យម។
ការងារ ៖ នៅថ្ងៃនេះលោកអ្នកមានដំណើរជីវិតជួបបញ្ហាស្មុគស្មាញបន្តិចហើយរាល់ការប្រកបការងារទាល់តែប្រឹងប្រែងខ្លាំងទើបទទួលជោគជ័យទៅរួច។
ជំនួញ ៖ ការរកផលកម្រៃទោះជួបផលលំបាកម្តេចមា្តក៏មានហូរចូលមួយៗគ្រាន់បំពេញបំពង់អញ្ចឹងដែរ។ ការធ្វើដំណើរទីជិតឆ្ងាយពេលទៅពុំសូវមានសុវត្តិភាពប៉ុន្មានទេគួរបន្ថែមការប្រុងប្រយ័ត្នបន្តិចទើបប្រសើរ។
ស្នេហា ៖ កុំធ្វើអ្វីជ្រួលជ្រើមខុសបែបបទព្រោះនោះសុទ្ធសឹងនាំមកនូវសេចក្តីទុក្ខសោកមកវិញទេ៕
ឆ្នាំមមី
រាសីស្រុតចុះ។
ការងារ ៖ នៅថ្ងៃនេះដោយសារដួងរាសីស្រុតចុះ ហេតុនេះលោកអ្នកតែងជួបនូវរឿងរាវមិនល្អច្រើនហេតុនេះគប្បីមានការអត់ធ្មត់បន្តិចទើបប្រសើរ។ក្រៅពីនេះកិច្ចការងារតែងរាំងស្ទះនិងមានបញ្ហាប្រឈមក៏ច្រើនងផងដែរ។
ជំនួញ ៖ មិនមានអ្វីប្រែប្រួលប្តួរផ្លាស់គួរជាទីកត់សំគាល់ទេគឺដូចសព្វមួយដង។ការធ្វើដំណើរឆ្ងាយជិតមិនគប្បីបើកបរលឿនឬសេពគប់គ្រឿងស្រវឹងឡើយពីព្រោះថាមិនសូវមានសុវត្តិភាពឡើយ។
ស្នេហា ៖ ជួបលើកំណាត់ផ្លូវរដិបរដុបនិងមានការប្រឆាំងគ្នាច្រើន៕
ឆ្នាំមមែ
រាសីខ្ពស់ត្រដែត។
ការងារ ៖ នៅថ្ងៃនេះបើមានអ្វីមួយជាការទំនាក់ទំនងជាមួយអ្នកដទៃលោកអ្នកតោងតែរួសរាន់ពីព្រោះផលសម្រេចតែងមានច្រើនផងដែរ។
ជំនួញ ៖ មានភាពសុខដុមហើយផលកម្រៃទៀតសោតបានគ្រាន់បំពេញបំពង់អញ្ចឹងដែរ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ ឆាប់ទាំងផ្អែមល្ហែមនិងឆាប់ទាំងជម្លោះវិវាទ៕
ឆ្នាំវក
រាសីល្អជាមធ្យម។
ការងារ ៖ នៅថ្ងៃនេះបើទោះបីកើតបញ្ហាអ្វីក៏ដោយត្រូវរក្សាភាពស្ងប់ស្ងាត់ ហើយមិនត្រូវច្រងេងច្រងាងនោះឡើយបើពុំនោះទេអាចនឹងកើតរឿងដូចពាក្យចាស់ថា”យកសាំងជះលើភ្លើង”បន្ថែមជាក់ជាពុំខាន។ការរស់នៅជួបភាពប្រទាំងប្រទើសនិងបញ្ហាច្រើន។
ជំនួញ ៖ នៅថ្ងៃនេះទោះជួបបញ្ហាចំណូលបន្តិចក្តីតែយ៉ាងណាការជួញទីជិតឆ្ងាយអាចរកផលកម្រៃហូរចូលតក់ៗគ្រាន់បំពេញបំពង់ផង។
ស្នេហា ៖ មានការប្រឆាំងគ្នា ត្រូវចេះកាត់បន្ថយជម្លោះវិវាទខ្លះទើបគ្មានរឿងអាក្រក់នាថ្ងៃខាងមុខ ៕
ឆ្នាំរកា
រាសីស្រុតចុះ។
ការងារ ៖ ជួបបញ្ហាលំបាកនិងមានរឿងរាវយាយីច្រើនផង។ ជាពិសេសការប្រកបការងារអ្វីតែងភ្លាំងភ្លាត់និងងាយចាញ់ប្រាជ្ញាគេ។
ជំនួញ ៖ ត្រូវចេះធ្វើគធ្វើថ្លង់ខ្លះទើបជាការប្រពៃ។ចំណែកប្រាក់កម្រៃទៀតសោតមិនច្រើនដូចជាទីគាប់ចិត្តទេឬអាចនិយាយបានថាគ្រាន់មួយទប់ទល់កម្លាំងនឿយហត់។
ស្នេហា ៖ មានភាពផុយស្រួយទាំងជម្លោះវិវាទនិងបែកបាក់ដូចនេះគប្បីប្រយ័ត្នប្រយែងឱ្យបានខ្លាំងក្លា៕
ឆ្នាំច
រាសីខ្ពស់ត្រដែត។
ការងារ ៖ ផ្តល់ផលល្អក្នុងការដំណើរកិច្ចការងារសំខាន់ឬកិច្ចការធំដុំណាមួយ។
ជំនួញ ៖ ហុចផ្លែផ្កាគ្រាន់បំពេញបំពង់អញ្ចឹងដែរ។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ បើចង់ផ្សំផ្គុំគ្រួសារក្នុងពេលនេះដែរតែងជោគជ័យដូចគាប់បំណង៕
ឆ្នាំកុរ
រាសីខ្ពស់ត្រដែត។
ការងារ ៖ នៅថ្ងៃនេះឃើញថាដំណើរជីវិតរបស់លោកអ្នកល្អប្រសើរ ដូចនេះបើចង់សម្រេចចិត្តឬចុះធ្វើអ្វីមួយក៏តែងឆ្លើយតបផ្លែផ្កាមកវិញគ្រាន់ជាទីពេញចិត្ត។
ជំនួញ ៖ អាចរកផលកម្រៃចូលផ្ទះវិញគ្រាន់បើតែយ៉ាងណា ឱ្យប្រយ័ត្នជួបគ្រោះចាញ់បោកគេផងដែរព្រោះភាពស៊យនៅអុកឡុកយាយីនៅឡើយទេ។
ស្នេហា ៖ បើស្គាល់ចិត្តស្គាល់ថ្លើមគ្នាយូរហើយជាឱកាសល្អក្នុងការរៀបចំផ្សំផ្គុំគ្រួសារផងដែរ៕