រូបបញ្ឈររបស់លោកនាយករដ្ឋមន្ត្រី និងសំណេរប៉ុន្មានបន្ទាត់ពន្យល់ថា នាងមិនអាចមានលទ្ធភាពមើលថែក្រុមគ្រួសារបានទេ គឺជាសកម្មភាពទី២ចុងក្រោយ នៃម្តាយវ័យក្មេង ដែលបានសម្លាប់ខ្លួនកាលពីម្សិលព្រឹកមិញ (២៩ ខែមេសា ឆ្នាំ២០២០)។
Plaifon អាយុ ១៩ ឆ្នាំ ដែលជាអ្នកមានដុងខាងសិល្បៈធ្វើគ្រាន់ជាការកម្សាន្ដ ដែលបានព្យាយាមរកប្រាក់ចំណូលក្នុងនាមជាសន្តិសុខម្នាក់ បានស្លាប់កាលពីព្រឹកថ្ងៃពុធ បន្ទាប់ពីបានត្អូញត្អែរថា នាងមិនអាចផ្គត់ផ្គង់ដល់កូនតូចរបស់នាងបាន។
សារចុងក្រោយនេះរបស់នាង ត្រូវបានបង្ហោះកាលពីសប្តាហ៍មុន ដែលមានរូបគំនូររបស់លោកស្រីនាយករដ្ឋមន្ត្រី ប្រាយុទ្ធ ចាន់អូចា ភ្ជាប់ជាមួយទំនុកច្រៀងនៃបទចម្រៀង Far ដែលច្រៀងដោយ Manoj Puttan។
Plaifon ក៏បានសម្តែងនូវកំហឹងដ៏ឈឺចាប់ និងភាពអស់សង្ឃឹមយ៉ាងខ្លាំងផងដែរ សម្រាប់ជីវិតចុងក្រោយរបស់នាង ដោយនាងបានរៀបរាប់យ៉ាងដូច្នេះថា៖ “ តាំងពីខ្ញុំចាប់ផ្តើមចេះគូរគំនូរមក ខ្ញុំមិនដែលគូរអន់បែបនេះទេ។ ខ្ញុំបានគូរវាដោយអារម្មណ៍ថា ខ្ញុំមិនមានលុយទិញទឹកដោះគោសម្រាប់កូនរបស់ខ្ញុំទេ។ អ្វីៗថ្លៃណាស់។ ខ្ញុំគូរជាមួយអារម្មណ៍ថា ខ្ញុំធ្វើការ ១២ ម៉ោងក្នុងមួយថ្ងៃ ប៉ុន្តែបញ្ចប់ទៅដោយគ្មានអ្វីសោះ។ ខ្ញុំគូរវាទាំងស្រក់ទឹកភ្នែក” ។
គួរកត់សម្គាល់ថា ការធ្វើអត្តឃាតបែបនេះ បានមានការកើនឡើងដែលបណ្តាលមកពីភាពអស់សង្ឃឹមផ្នែកហិរញ្ញវត្ថុ បន្ទាប់ពីវិបត្តិកូវីដ១៩ ដែលបានជំរុញឱ្យមនុស្សជាច្រើនកំពុងតស៊ូដើម្បីរស់។ ប្រជាជនថៃដែលក្រីក្របានសុំការគាំទ្រពីរដ្ឋាភិបាល ដែលត្រូវបានបដិសេធ ដែលជាហេតុធ្វើឱ្យមានការខកចិត្តយ៉ាងខ្លាំង ជាមួយនឹងការឆ្លើយតបរបស់រដ្ឋាភិបាល។ ហើយជាក់ស្តែង កាលពីថ្ងៃចន្ទ ស្ត្រីរូបនេះបានផឹកថ្នាំបំពុលខ្លួនឯង នៅមុខក្រសួងហិរញ្ញវត្ថុ ដើម្បីតវ៉ា។
យោងទៅតាមបងប្រុសរបស់ Plaifon ឈ្មោះ Jirasin Amsarika បានអោយដឹងថា នាងបានធ្វើការនៅទីក្រុងបាងកក ដើម្បីផ្គត់ផ្គង់កូនតូចរបស់នាងដែលមានអាយុ ៨ ខែ ដែលកំពុងនៅជាមួយគ្រួសាររបស់នាង ស្ថិតនៅភាគខាងកើតនៃរដ្ឋធានី ក្នុងខេត្ត Chachoengsao ។
Jirasin បានប្រាប់ថៃរ៉ាត់ថា បន្ទាប់ពីការរីករាលដាលនៃវីរុសកូវីដ១៩ ដែលមានសភាពកាន់តែអាក្រក់ទៅៗ បងស្រីរបស់គាត់បានសុំគាត់ឲ្យរៃអង្គាសប្រាក់ ដើម្បីទិញទឹកដោះគោសម្រាប់កូនតូចរបស់នាង។ ជាអកុសល នៅម៉ោងប្រហែល ១ ព្រឹក គាត់បានដឹងថា Plaifon បានសម្លាប់ខ្លួនទៅហើយ។
បន្ទាប់ជីវិតអាពាហ៍ពិពាហ៍ជាមួយប្តីមុនពោរពេញដោយអំពើហិង្សា Plaifon បានរកឃើញគូស្នេហ៍ថ្មី ។ មិត្តប្រុសរបស់នាងឈ្មោះ Wichai បានប្រាប់ថៃរ៉ាត់ថា ពួកគេទាំងពីរធ្វើការជាសន្តិសុខ នៅក្រុមហ៊ុនជាមួយគ្នានៅក្នុងទីក្រុងបាងកក ។ នាងបានទទួលពីជំងឺលើសឈាម ដែលបង្ខំឲ្យនាងត្រូវឈប់ពីការងារ ហើយក៏បាត់បង់ប្រាក់ចំណូល៕
ប្រែសម្រួល៖ លឹម ហុង (https://coconuts.co/)
