រឿងរ៉ាវរបស់លោកតាម្នាក់ ដែលនៅតែផ្តល់ក្តីស្រឡាញ់ប្រពន្ធរបស់គាត់ដូចដើម មិនងាករេដូចពីគូស្នេហ៍មួយចំនួនបច្ចុប្បន្នដែលស្រឡាញ់តែមួយភ្លើងចំបើងរួចក៏បែកគ្នា លែងលះគ្នាយ៉ាងផុយស្រួយ តាមរយៈការតែងតែទិញគ្រឿងអលង្កាឲ្យជារឿយៗ បានធ្វើឲ្យអ្នកប្រើប្រាស់បណ្តាញសង្គម កោតសរសើរយ៉ាងខ្លាំង ។
យ៉ាងណាមិញ រឿងរ៉ាវខាងលើរបស់លោកតា ត្រូវបានចែករំលែកដោយម្ចាស់ហាងលក់គ្រឿងអលង្កាមួយ ដោយបានរៀបរាប់ថា លោកតាម្នាក់ដែលជាម៉ូយប្រចាំ បើទោះជាមានអាយុ ៨៦ ឆ្នាំ ទៅហើយ តែគាត់នៅអាចជិះកង់កាត់តាំងពីឆ្ងាយ ដើម្បីរកទិញខ្សែកជូនប្រពន្ធរបស់គាត់ដែលមានអាយុ ៨២ ឆ្នាំ ដោយមិនគិតពីការនឿយហត់នោះទេ។
ម្ចាស់ហាងបានបង្ហើបឲ្យដឹងថា នេះមិនមែនជាលើកទី១ទេ ដែលលោកតាមមករកទិញគ្រឿងអលង្កានៅហាងរបស់ខ្លួន ព្រោះថា កាលពីលើកមុន គាត់ក៏បានយកលុយសន្សំមកទិញក្រវិល១គូ ឲ្យលោកយាយរបស់គាត់រួចមកហើយ ៕
ប្រែសម្រួល៖ លឹម ហុង (social.tvpoolonline)
