ភ្នំពេញ៖ “ការល្បាតរយៈពេលវែងត្រូវបានរួចរាល់ក្នុងរយៈពេលប្រាំពីរថ្ងៃ… ពេលខ្លះយើងត្រូវដើរ៤៨ម៉ោងដោយមិនបានគេង។” ល្បាតវែងគឺជាការប្រកួតប្រជែងផ្នែករាងកាយ និងផ្លូវចិត្តដ៏លំបាក នេះពន្យល់ដោយលោកអាយឌី ដែលជាមន្ត្រីម្នាក់ក្នុងចំណោមមន្ត្រីឧទ្យានុរក្សរបស់អង្គការសម្ព័ន្ធមិត្តសត្វព្រៃ ប៉ុន្តែពួកគេបានដឹកនាំឲ្យកាន់តែជិតស្និទ្ធ និងអនុញ្ញាតឲ្យពួកគេបង្កើតចំណងកាន់តែរឹងមាំ។ នេះបើតាមការផ្សាយរបស់អង្គការ Wildlife Alliance Cambodia កាលពីថ្ងៃទី៣០ ខែមេសា ឆ្នាំ២០២០។
អង្គការ Wildlife Alliance បានឲ្យដឹងថា ធ្វើការនៅក្នុងព្រៃអស់ជាច្រើនថ្ងៃ ក្នុងមួយពេលត្រូវពឹងផ្អែកលើភាពគ្រប់គ្រាន់ដោយខ្លួនឯង។ អាហារទាំងអស់ ឧបករណ៍ចម្អិនអាហារ ព្រមទាំងឧបករណ៍បោះជំរំ និងភារកិច្ចក្នុងការចម្អិនអាហារត្រូវបានឆ្លាស់វេនគ្នាជាក្រុម។ មិនត្រឹមតែប៉ុណ្ណឹងនោះទេ ប៉ុន្តែពេលខ្លះទៀតឧបករណ៍ខុសច្បាប់ ដែលរឹបអូសបានត្រូវទាមទារឲ្យយើង ត្រូវដឹកជញ្ជូនយកទៅស្នាក់ការវិញសម្រាប់ទុកជាភស្តុតាង។ ហើយនៅពេលណាមួយនោះ ក្រុមល្បាតអាចដឹកជញ្ជូនរណារយន្ត បានចំនួន១៥គ្រឿងផងដែរ តាមម៉ូតូរបស់ពួកគាត់ក្នុងអំឡុងពេលល្បាត។
ទោះជាយ៉ាងណាក៏ដោយ ភាពគ្រប់គ្រាន់ដោយខ្លួនឯងគ្រាន់តែជាចំណុច នៃស្ថានភាពទាំងមូល នៅពេលដែលចុះទៅល្បាត ក្នុងរយៈពេលឲ្យមានប្រសិទ្ធភាព។ ការតាមរកអ្នកបរបាញ់ និងអ្នកកាប់ឈើខុសច្បាប់ នៅក្នុងតំបន់ព្រៃទឹកភ្លៀងក្រាស់ៗ គឺតម្រូវឲ្យមន្ត្រីឧទ្យានុរក្សទាំងអស់ ត្រូវតែមានភាពមុតស្រួច។ ជាញឹកញាប់ក្រុមល្បាតនឹងចេញទៅក្រៅដោយគ្មានភាពឆ្លាតវៃច្រើននោះទេ មានន័យថាពួកគាត់ត្រូវតែពឹងផ្អែកលើសមត្ថភាពរបស់ពួកគាត់ដោយខ្លួនឯង ក្នុងការតាមដានរកសញ្ញានៃសកម្មភាពខុសច្បាប់ដែលកំពុងកើតមានឡើងថ្មីៗ។ “យូរៗអ្នកអាចចាប់ផ្តើមកត់សម្គាល់បានគ្រប់រឿង។ ឧទាហរណ៍ ខ្ញុំបានរៀនចេះពីវិធីបែងចែក ពីភាពខុសគ្នារវាងផ្លូវព្រៃ ដែលបានត្រួសត្រាយដោយរថយន្តដឹកជញ្ជូនឈើ និងផ្លូវមួយទៀតដែលមានស្រាប់។ ស្នាមកង់រថយន្តដែលទើបនឹងស្ងួតបង្ហាញថា វាទើបតែកើតក្នុងពេលថ្មីៗ” សម្តីរបស់លោក អាយឌី។
នៅពេលដែលទឹកភ្លៀងពីរដូវវស្សារបស់ប្រទេសកម្ពុជា បានហក់ឡើងនោះ បញ្ហាប្រឈមថ្មីនឹងត្រូវបានកើតមានឡើង។ ទឹកភ្លៀងអាចលាងសម្អាតផ្លូវដែលមានស្រាប់ និងផ្លូវថ្មីតែវាគឺជាបញ្ហាប្រឈមដ៏សំខាន់មួយ សម្រាប់ការធ្វើដំណើរត្រឹមតែចម្ងាយពីរបីរយម៉ែត្រ។ បើទោះបីជាបែបនេះក្តី តែយើងអាចមើលឃើញផ្ទៃដីពណ៌ប្រាក់ក្នុងរដូវវស្សា។ ផ្លូវដែលបង្កើតឡើងដោយជនល្មើសគឺងាយស្រួលក្នុងការបែងចែក ហើយជនល្មើសនឹងមិនចូលទៅក្នុងព្រៃជ្រៅនោះទេ។
ទោះបីជាមានបញ្ហាប្រឈមយ៉ាងណាក៏ដោយ ការល្បាតវែងគឺជាការងារដ៏សំខាន់មួយ របស់មន្ត្រីឧទ្យានុរក្ស នៃអង្គការសម្ព័ន្ធមិត្តសត្វព្រៃ ក្នុងការការពារតំបន់ទេសភាពព្រៃទឹកភ្លៀងជួរភ្នំក្រវ៉ាញលើផ្ទៃដីជិត១,៥លានហិកតា៕ដោយ៖កូឡាប