អាជ្ញាធរសុខាភិបាលម៉ាឡេស៊ី បានរកឃើញអ្នកផ្ទុកវីរុសកូរ៉ូណាចំនួន ៥៧ករណីបន្ថែមទៀត នៅថ្ងៃព្រហស្បតិ៍ម្សិលមិញនេះ បណ្តាលឲ្យតួលេខនៃអ្នកឆ្លងសរុបកើនដល់ ៦.០០២ករណី។
មន្ត្រីសុខាភិបាលនៃប្រទេសនេះ និយាយថា ក្នុងចំណោមករណីឆ្លងថ្មីទាំងអស់ មាន ២៥ករណីជាការឆ្លងនាំចូលពីខាងក្រៅប្រទេស ខណៈដែលការឆ្លងផ្សេងទៀតកើតនោះក្នុងប្រទេស។
អគ្គនាយកសុខាភិបាលឈ្មោះ Noor Hisham Abdullah បាននិយាយថា អ្នកជំងឺចំនួន ៨៤ផងដែរបានជាសះស្បើយ និងបានចេញពីមន្ទីរពេទ្យ ហើយចំនួនអ្នកជាសះស្បើយសរុបបានកើនដល់ ៤.១៧១នាក់ ឬស្មើនឹង ៦៩,៥ភាគរយនៃអ្នកឆ្លងសរុប។
លោកក៏បានបញ្ជាក់ផងដែរថា មានអ្នកជំងឺ ២នាក់ទៀតបានស្លាប់ ធ្វើឲ្យអ្នកស្លាប់សរុបក្នុងប្រទេសកើនដល់ ១០២នាក់ ឬស្មើនឹង ១,៧ភាគរយនៃអ្នកឆ្លងទាំងអស់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
