ភ្នំពេញ៖ ថ្ងៃទី១ ខែឧសភា ឆ្នាំ២០២០ ដែលជាយុទ្ធនាការថ្ងៃដំបូង នៃការរឹតបន្ដឹងច្បាប់ស្ដីពីចរាចរណ៍ផ្លូវគោកនេះ ជាមួយគ្នានេះដែរ ឯកឧត្តម សុខ សុវណ្ណវឌ្ឍនាសាប៊ុង ប្រធានគណបក្សខ្មែរក្រោម និងជាសមាជិកឧត្តមក្រុមប្រឹក្សាពិគ្រោះនិងផ្តល់យោបល់ បានផ្ញើសារជូនបងប្អូនជនរួមជាតិ ចូលរួមគោរពច្បាប់ចរាចរណ៍ឲ្យបានខ្ជាប់ខ្ជួន ។
ឯកឧត្តមសង្ឃឹមថា អាជ្ញាធរក៏នឹងអនុវត្តន៍ច្បាប់ឲ្យបានត្រឹមត្រូវ ដោយមិនគួរឆ្លៀតឱកាស នៃការរឹតបន្តឹងការអនុវត្តន៍ច្បាប់ចរាចរណ៍ផ្លូវគោកនេះ ក្នុងគោលដៅអ្វីផ្សេងនោះឡើយ ជាពិសេសគួរយោគយល់ ចំពោះការខ្វះខាតឯកសាររបស់ពលរដ្ឋ ដោយសារកត្តា នៃការខ្វះខាតទាំងឡាយ មកពីភាពយឺតយាវ នៃការផ្ដល់សេវាសាធារណៈ ពីសំណាក់ស្ថាប័នពាក់ព័ន្ធ។
ឧទាហរណ៍ករណី យានយន្តគ្មានផ្លាកលេខ ព្រោះស្ថិតក្នុងដំណាក់កាលកំពុងធ្វើផ្លាកលេខ តែមិនទាន់បានជាដើម៕ដោយ៖កូឡាប
