ស្រុកព្រៃនប់ ៖សមត្ថកិច្ចប្រាប់ជាបឋមថា នៅវេលាម៉ោង ៧ ព្រឹកថ្ងៃ២ឧសភា២០២០នេះ គេបានប្រទះឃើញសាកសពបុរស ស្ត្រីជនជាតិចិនពីរនាក់ប្តី ប្រពន្ធ ស្លាប់ក្នុងបន្ទប់ទឹក នៅផ្ទះជួលមួយកន្លែង ស្ថិតនៅភូមិវាលធំឃុំវាលរេញស្រុកព្រៃនប់ខេត្តព្រះសីហនុ។
ស្ថានភាពសាកសពស្លាប់ដោយមានស្នាមរបួសទាំងពីរនាក់ ក្នុងនោះសាកសពប្រពន្ធនៅអង្គុយលើកៅអី ចំណែកសាកសពប្តីស្លាប់ក្នុងស្ថានភាពលុតជង្គង់ផ្ងារ ក្រោយ ក្នុងបន្ទប់ទឹក។
សមត្ថកិច្ចស្គាល់សាវតារសាកសពបុរសជាប្តី ឈ្មោះ PENG ZHIMING កើតឆ្នាំ ១៩៧៦ មុខរបរបើកហាងលក់អាហារ នៅផ្ទះកើតហេតុ ( យីហោហ៊ូ វៃ )ចំណែកប្រពន្ធមិនទាន់ស្គាល់ឈ្មោះ។
ករណីខាងលើនេះភ្លាមៗសមត្ថកិច្ច នៅមិនទាន់ធ្វើការសន្និដ្ឋានថាជាករណីឃាតកម្មឬកើតឡើងក្នុងហេតុការណ៍បែបណានៅឡើយ រង់ចាំកម្លាំងជំនាញធ្វើកោសល្យវិច្ចយ័បញ្ជាក់។
បច្ចុប្បន្នកម្លាំងសមត្ថកិច្ចចំរុះមានកងរាជអាវុធហត្ថ នគបាលនិងអាជ្ញាធរមូលដ្ឋានកំពុងបន្តការងារតាមនីតិវិធី៕
ដោយ៖បញ្ញាស័ក្តិ