ភ្នំពេញ៖ គិតចាប់ពីថ្ងៃ១ ដល់ ៣០ ខែមេសា ឆ្នាំ២០២០ មណ្ឌលផ្តល់ប័ណ្ណបើកបរយានយន្ត ផ្សារទំនើបអ៊ីអន១ និង២ បានប្តូរ ពន្យារ និងប្រឡង សរុបចំនួន ៤.៣៩០ បណ្ណ ហើយមណ្ឌលផ្តល់ប័ណ្ណបើកបរយានយន្ត បានផ្តល់ប័ណ្ណ១១៨.៦៣៤ ប័ណ្ណបើកបរ ចាប់ពីថ្ងៃដំណើរការមណ្ឌល រហូតដល់ចុងខែមេសា ឆ្នាំ២០២០។
ជាមួយគ្នានេះផងដែរ ចាប់តាំងពីការដាក់ដំណើរការជាផ្លូវការ រហូតដល់ខែ មេសា ឆ្នាំ២០២០ មណ្ឌលផ្តល់ប័ណ្ណបើកបរ ផ្សារទំនើបអ៊ីអន១ និង២ បានប្តូរ ពន្យារ និងប្រឡង សរុបចំនួន ១១៨.៦៣៤ ប័ណ្ណ។
សូមបញ្ជាក់ផងដែរថា មណ្ឌលផ្តល់ប័ណ្ណបើកបរយានយន្ត ផ្សារទំនើបអ៊ីអន១ បានបើកសម្ពោធផ្លូវការនាថ្ងៃ១៥ ខែមិថុនា ឆ្នាំ២០១៦ និង មណ្ឌលផ្តល់ប័ណ្ណបើកបរយានយន្ត ផ្សារទំនើបអ៊ីអន១ បានបើកសម្ពោធផ្លូវការនាថ្ងៃទី២២ ខែមិថុនា ឆ្នាំ២០១៨។ មណ្ឌលទាំងពីរនះ ដើរតួនាទីយ៉ាងសំខាន់ក្នងការបង្ខិតសេវាជិតប្រជាពលរដ្ឋ ជាមួយតម្លាភាព ចំណេញពេលវេលា និងលុបបំបាត់ចំណាយក្រៅផ្លូវការ។
សម្រាប់បងប្អូនប្រជាពលរដ្ឋមានបំណង ប្តូរ និងពន្យារប័ណ្ណបើកបរ ត្រូវមានឯកសារដូចជា៖
*១. អត្តសញ្ញាណប័ណ្ណសញ្ជាតិខ្មែរ
*២. លិខិតបញ្ជាក់កាយសម្បទា(អាចធ្វើនៅទីតាំងផ្ទាល់)
*៣. រូបថត ៤x៦ ផ្ទៃពណ៌ស ៣សន្លឹក(ថតនៅទីតាំងផ្ទាល់)
*៤. ពាក្យបណ្តឹងបាត់ប័ណ្ណបើកបរបញ្ជាក់ពីប៉ុស្តិ៍រដ្ឋបាល (ក្នុងករណីបាត់ប័ណ្ណបើកបរ)។
ប្រឡងយកប័ណ្ណបើកបរ៖ ត្រូវមានឯកសារដូចរៀបរាប់ខាងលើ(*១ *២ *៣) និងលិខិតបញ្ជាក់ការសិក្សាពីសាលាង្រៀនបើកបរសម្រាប់ប័ណ្ណប្រភេទ គ ឃ និង ង ៕ ដោយ៖កូឡាប
