ភ្នំពេញ ៖ បុរសម្នាក់ឈ្មោះ រស់ ដារ៉ា ដែលប្រើប្រាស់ គណនីហ្វេសបុកឈ្មោះ Alex Piano ដែលបានយកព័ត៌មានចាស់តាំងពីឆ្នាំ២០១៨ ដែលគាត់បានបើកបរល្មើស ស្លាកសញ្ញា ចរាចរណ៍ យកមកផុសខុសពីការពិត កាលពីថ្ងៃទី១ ខែឧសភា ឆ្នាំ២០២០ ដែលធ្វើឲ្យប្រជាពលរដ្ឋ និងមជ្ឈដ្ឋានទូទៅមានការយល់ច្រឡំ ជាពិសេសធ្វើឲ្យ ប៉ះពាល់ធ្ងន់ធ្ងរ ដល់កិត្តិយសរបស់សមត្ថកិច្ច ដែលបានខិតខំបំពេញភារកិច្ចក្នុងការអនុវត្តរឹតបន្តឹងច្បាប់ចរាចរណ៍ផ្លូវគោក ។នេះបើរាម សេចក្តីបកស្រាយបំភ្លឺរបស់ក្រុមការងារព័ត៌មន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ នៅថ្ងៃទី 3 ឧសភា 2020 ។
បុរសម្នាក់ត្រូវបានសមត្ថកិច្ចការិយាល័យប្រឆាំងបទល្មើសបច្ចេកវិទ្យាផែនសន្តិសុខ នៃស្នងការដ្ឋាននគរបាលរាជធានីភ្នំពេញ នាំខ្លួនមកធ្វើការសួរនាំ ហើយគាត់ក៏បាន ធ្វើការទទួលកំហុស និងថតវីដេអូសុំទោសជាសាធារណ:ដល់ប្រជាពលរដ្ឋ ជាពិសេសសុំទោសដល់សមត្ថកិច្ចនៃស្នងការដ្ឋាននគរបាលរាជធានីភ្នំពេញ ។
សមត្ថកិច្ចក៏បានធ្វើការណែនាំ អប់រំ និងធ្វើកិច្ចសន្យាដោយផ្តិតមេដៃផងដែរ ។
ក្រោយបញ្ចប់ការណែនាំ អប់រំ និងធ្វើកិច្ចសន្យារួច សមត្ថកិច្ចក៏បានអនុញ្ញាតិឲ្យគាត់ត្រឡប់ទៅគេហដ្ឋានវិញ ។
ឯកឧត្ដមឧត្ដមសេនីយ៍ឯក ស ថេត អគ្គស្នងការរងនគរបាលជាតិ និង ជាស្នងការ នគរបាលរាជធានីភ្នំពេញ នៅមុននេះបន្តិច បានបញ្ជាអោយសមត្ថកិច្ចជំនាញស្រាវជ្រាវរកម្ចាស់ គណនីហ្វេសប៊ុក Alex Piano មានឈ្មោះពិត រស់ ដារ៉ា ដេីម្បីនាំខ្លួនមកទទួលខុសត្រូវចំពោះមុខច្បាប់ ដែលបុគ្គលរូបនេះ បានបំភ្លៃព័ត៌មានពាក់ព័ន្ធនឹងការអនុវត្តន៍ច្បាប់ចរាចរណ៍ធ្វើអោយមហាជនយល់ច្រលំមកលេីមន្ត្រីអនុវត្តន៍ច្បាប់ ។
គួរបញ្ជាក់ផងដែរថា បុរសគណនេយ្យខាងលើ បានប្រឌិតសាច់រឿងខ្លួន ដើម្បីយកសេចក្តីអាណិតអាសូរពីមហាជន ដោយបង្ហោះលើបណ្តាញសង្គមហ្វេសបុកថាប៉ូលីសផាកពិន័យខ្លួន ទោះជាខ្លួនមិនខុសអ្វីមានឯកសារគ្រប់ ការផាកដោយសារតែម៉ូតូខ្លួនបង់រលស់ ការពិតមិនមាននេះកើតឡើងទេ ដោយម៉ូតូជនខាងលើ បានយកដាក់កន្លែងបញ្ជាំជាយូរមកហើយ ក្រោយបង្ហោះបែបនេះឃើញថា មានការស៊ែរចែករំលែកជាច្រើនរហូតដល់៨៧ម៉ឺនដងលើបណ្តាញសង្គមហ្វេសបុក(87K share)។
ក្រោយពីដឹងថាសមត្ថកិច្ចជំនាញកំពុងស្រាវជ្រាវរកម្ចាស់ គណនី ហ្វេសប៊ុក Alex Piano ខាងលើនេះ ម្ចាស់គណណេយ្យខាងលើបានទំនងជាភ័យខ្លួន ក៏បានសរសេរសូមទោស លើបណ្តាញសង្គមយ៉ាងដូច្នេះថា៖ ខ្ញុំបាទសុំលើកម្រាមដៃដប់សុំទោសជាសាធាណៈ ចំពោះការផុសកំហុសខុសឆ្គង ប៉ះសង្គម អ្វីដែលប្អូនផុសលើកមុន គឺជាការកុហកពិតមែន ដែលជាទទួលការផាកពិន័យលើកទី១កាលពី២០១៨ មិនមែន ២០១៧ ទេគ្មានដែលប្អូនបទឆ្វេងបំណងចង់បំផុសបំផុលទេ ប្អូនស្រឡាញ់ច្បាប់បានប្អូនគោរពគ្រប់យ៉ាងតែជារឿងពិត កាល២០១៨។
ដូច្នេះប្អូនសុំការអរភ័យទោស ពីសំណាក់ ក្រសួង ក៏ដូច បងប្អូនជនរួមជាតិទាំងអស់ សុំខន្តីអភ័យទោស អោយប្អូនផងដោយ ប្អូនជាបន្ទុកគ្រួសារ ម៉ាក់ប៉ាឈឺអត់ការធ្វើ ប្អូនក៏អត់ការងារ 2 3ខែមកហើយ បើអត់ពីខ្ញុំតើប៉ាម៉ាក់ ត្រូវបង់ប្អូនរៀនទៀត ហើយជំពាក់បំណុលគេ៣មុឺនដូល្លាទៀត ទាំងធនាគារ និងឯកជនទាមុខទាក្រោយ តើធ្វើយ៉ាងណា ចឹងដោយក្តីអាណិតមេត្តាពីបងប្អូន និង ក្រសួង ផង៕
ដោយ៖កូឡាប
