បាត់ដំបង៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បុរស៥នាក់ជួញដូររក្សាទុកនិងថ្នាំម៉ាទឹកកកចំនួ
ន៥ថង់ ជញ្ជីងថ្លឹងថ្នាំញៀនលក់២គ្រឿងសម្ភារប្រើប្រាស់ថ្នាំញៀនមួយចំនួនទៀត នៅកន្លែងផ្សេងគ្នា ក្នុងស្រុកសំពៅលួននិងស្រុក
បវេល កសាងសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់។
ហេតុការណ៍ចាប់ឃាត់ខ្លួនជនសង្ស័យ៥នាក់នេះ បានធ្វើឡើងកាលពីថ្ងៃទី០២ខែឧសភាឆ្នាំ២០២០ នៅចំណុចផ្សេងគ្នាក្នុងស្រុកសំពៅលូន និងស្រុកបវេលខេត្តបាត់ដំបង។
លោកសុខ និមលនាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថាជនសង្ស័យ៥នាក់ ដែលចាប់ឃាត់ខ្លួនករណីទី១មានឈ្មោះ ចក់ ថេតហៅទួចភេទប្រុស អាយុ៣៨ឆ្នាំមានទីលំនៅភូមិអូរចំណិបឃុំតាស្ដារស្រុកសំពៅលួន
ខេត្តបាត់ដំបង។ ក្នុងប្រតិបត្តិការនេះ កម្លាងដកហូតវត្ថុតាងរួមមាន ថ្នាំញៀនប្រភេទមេតំហ្វេតាមីនម៉ាទឹកកកចំនួន៣ថង់ ជញ្ជីងសម្រាប់ថ្លឹងថ្នាំញៀនលក់ចំនួន២គ្រឿងសម្ភារសម្រាប់ប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួនកាលពីម៉ោង១៥និង២០នាទីថ្ងៃទី០២ខែឧសភាឆ្នាំ២០២០ នៅចំណុចក្រុមទី០៩ភូមិអូរចំណិបឃុំតាស្ដារស្រុកសំពៅលូន ខេត្តបាត់ដំបង។ ជនសង្ស័យម្នាក់នេះគឺមានដីការបង្គាប់ឲ្យចាប់ខ្លួននិងឃុំខ្លួន លេខ២៦៤ ត ព្រចុះថ្ងៃទី០២ខែមេសាឆ្នាំ២០២០របស់លោក ជា វណ្ណៈ ប្រធានក្រុមប្រឹក្សាជំនំជម្រះនៃសាលាដំបូងខេត្តបាត់ដំបងពីបទជួញដូរដោយខុសច្បាប់នូវសារធាតុញៀន ដែលប្រព្រឹត្តនៅចំណុចក្រុមទី១០ភូមិអូរចំណិបឃុំតាស្ដារ
ស្រុកសំពៅលូនខេត្តបាត់ដំបង កាលពីថ្ងៃទី១៩ខែកញ្ញាឆ្នាំ២០១៩។ ករណីទី២ឈ្មោះជុំ សិតហៅប្រុសភេទប្រុសអាយុ៣១ឆ្នាំ(ជាអ្នករក្សាទុកថ្នាំញៀន) រស់នៅភូមិថ្មីឃុំក្ដុលតាហែនស្រុកបវេលខេត្តបាត់ដំបង។ ទី២ឈ្មោះរិន អឿនភេទស្រីអាយុ៧០ឆ្នាំ(ជាអ្នករក្សាទុកថ្នាំញៀននិងជាម្ចាស់ផ្ទះ) រស់នៅភូមិព្រៃខ្ពស់ឃុំព្រៃខ្ពស់ស្រុកបវេលខេត្តបាត់ដំបង។ ទី៣ឈ្មោះទូច សាន់ភេទប្រុសអាយុ២០ឆ្នាំ(ជាអ្នកប្រើប្រាស់ថ្នាំញៀន) រស់នៅភូមិព្រៃខ្ពស់ឃុំព្រៃខ្ពស់ស្រុកបវេលខេត្តបាត់ដំបង។ ទី៤ឈ្មោះធា ចាន់ថាភេទប្រុសអាយុ២៩ឆ្នាំ(ជាអ្នកប្រើប្រាស់ថ្នាំញៀន) រស់នៅភូមិព្រៃខ្ពស់ឃុំព្រៃខ្ពស់ស្រុកបវេលខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក២៩ថង់ សម្ភារៈប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួនកាលពីម៉ោង១៧និង០០នាទីថ្ងៃទី០២ខែឧសភាឆ្នាំ២០២០ នៅចំណុចភូមិព្រៃខ្ពស់ឃុំព្រៃខ្ពស់ស្រុកបវេលខេត្តបាត់ដំបង។
លោកសុខ និមលបានបញ្ជាក់ថា កម្លាំងបានសហការជាមួយកម្លាំងប៉ូលិសស្រុក ចុះបង្ក្រាបបានករណីរទាំង២នេះ ហើយចាប់ឃាត់ខ្លួនជនសង្ស័យ៥នាក់ និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកសាងសំណុំរឿងបញ្ជូនជនសង្ស័យ និងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់ នៅរសៀលថ្ងៃទី៣ខែឧសភាឆ្នាំ២០២០ហើយ៕ដោយ៖អ៊ុងសារុំ