បាត់ដំបង៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បុរស៦នាក់ជួញដូររក្សាទុកនិងថ្នាំម៉ាទឹកកកICE
ចំនួន០៦ ថង់ យ៉ាម៉ាWYចំនួន ៣៧៨ គ្រាប់ ឡានមួយគ្រឿង ម៉ូតូ២គ្រឿងសម្ភារៈពាក់ព័ន្ធមួយចំនួនទៀតនៅកន្លែងផ្សេងគ្នា ក្នុងស្រុកសំពៅលូននិងស្រុកបាណន់ កសាងសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់។
ហេតុការណ៍ចាប់ឃាត់ខ្លួនជនសង្ស័យ៦នាក់នេះ បានធ្វើឡើងកាលពីថ្ងៃទី៣០ខែមេសា និងថ្ងៃទី១ ខែឧសភា ឆ្នាំ២០២០ នៅចំណុចផ្សេងគ្នា ក្នុងស្រុកសំពៅលូន និងស្រុកបាណន់ខេត្តបាត់ដំបង។
លោកសុខ និមលនាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថាជនសង្ស័យ៦នាក់ ដែលចាប់ឃាត់ខ្លួនករណីទី១មានឈ្មោះ គង់ វុទ្ធី (ធី)ភេទប្រុស អាយុ៣៦ឆ្នាំមានទីលំនៅភូមិប្រឡាយប្រាក់ ឃុំអង្គរបាន ស្រុកសំពៅលូន ខេត្តបាត់ដំបង។ទី២ឈ្មោះ ប៊ុន ម៉ាលីស ភេទប្រុស អាយុ ៣០ ឆ្នាំ មានទីលំនៅភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។ ទី៣ឈ្មោះ ង៉ូវ សា ភេទប្រុស អាយុ ២៦ ឆ្នាំ មានទីលំនៅភូមិពោជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង។ ក្នុងប្រតិបត្តិការនេះ កម្លាងដកហូតវត្ថុតាងរួមមានថ្នាំញៀនប្រភេទមេតំហ្វេតាមីនម៉ាទឹកកកICE ចំនួន ០៥ ថង់ ថ្នាំញៀនប្រភេទមេតំហ្វេតាមីនយ៉ាម៉ាWYចំនួន ៣៧៨ គ្រាប់ ជញ្ជីងសម្រាប់ថ្លឹងថ្នាំញៀនលក់ចំនួនពីរគ្រឿង ម៉ូតូចំនួន០១គ្រឿង ប្រាក់រៀលចំនួន ១លានរៀល ប្រាក់បាតថៃចំនួន ៥ពាន់បាតហើយចាប់ឃាត់ខ្លួនកាលពីម៉ោង១៦និង៣៥នាទីថ្ងៃទី៣០ខែមេសាឆ្នាំ២០២០ នៅចំណុចក្រុមទី០៣ភូមិពោជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង។ករណីទី២ឈ្មោះយួ ពៅភេទប្រុសអាយុ១៩ឆ្នាំរស់នៅភូមិអូរតាគាំ២សង្កាត់
ទួលតាឯក ក្រុងបាត់ដំបងខេត្តបាត់ដំបង។ ទី២ឈ្មោះរ៉េត សុភារិទ្ធភេទប្រុសអាយុ២១ឆ្នាំរស់នៅក្រុមទី០១ ភូមិផ្លូវមាសឃុំផ្លូវមាសស្រុករតនមណ្ឌលខេត្តបាត់ដំបង។ ក្នុងប្រតិបត្តការនេះ កម្លាំងដកហូតបានថ្នាំម៉ាទឹកកកមួយថង់ ទួរស័ព្ទដៃ២គ្រឿង ម៉ូតូមួយគ្រឿងសម្ភារមួយចំនួនទៀត ហើយចាប់ឃាត់ខ្លួនកាលពីម៉ោង១៥និង៤០នាទីថ្ងៃទី០១ខែឧសភាឆ្នាំ២០២០ នៅចំណុចក្រុមទី០២ភូមិអន្លក់កោងឃុំឈើទាលស្រុកបាណន់ខេត្តបាត់ដំបង។ ក្រោយពេលសាកសួរ ឈ្មោះយួ ពៅ កម្លាំងបានចុះទៅចាប់ឃាត់ខ្លួនបុរសម្នាក់ទៀតឈ្មោះយន់ ភារុណហៅនួនភេទប្រុសអាយុ២៩ឆ្នាំ រស់នៅចំណុចអណ្ដូងកន្ទួតភូមិគោករកាឃុំដូនបាស្រុកគាស់ក្រឡខេត្តបាត់ដំបង។ ក្នុងប្រតិបត្តិការនេះ កម្លាំងបានដកហូតរថយន្តមួយគ្រឿង និងសម្ភារមួយចំនួនទៀតហើយចាប់ឃាត់ខ្លួន កាលពីម៉ោង១៧និង២០នាទីថ្ងៃទី០១ខែឧសភាឆ្នាំ២០២០ នៅចំណុចក្រុមទី១២ភូមិថ្មីឃុំកន្ទឺ១ស្រុកបាណន់ខេត្តបាត់ដំបង។
លោកសុខ និមលបានបញ្ជាក់ថា កម្លាំងបានសហការជាមួយកម្លាំងប៉ូលិសស្រុក ចុះបង្ក្រាបបានករណីរទាំង២នេះ ហើយចាប់ឃាត់ខ្លួនជនសង្ស័យ៦នាក់ និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកសាងសំណុំរឿងបញ្ជូនជនសង្ស័យ និងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់នៅរសៀលថ្ងៃទី០២ខែឧសភាឆ្នាំ២០២០ហើយ៕ដោយ៖ អ៊ុងសារុំ
