ភ្នំពេញ៖ ប្រិយមិត្ត និងមហាជនជាច្រើន ប្រាកដជាបានស្គាល់ច្បាស់ហើយ អ្នកស្រី អ៊ាន សៀវម៉ី ហៅ (ព្រះនាងតូច) ជាអគ្គនាយិកាក្រុមហ៊ុន Castle E Diamond នាំចូលផលិតផលថែរក្សាសម្ផស្សម៉ាក Ei Ei ផ្ដាច់មុខពីក្រៅប្រទេស និងជាម្ចាស់ទំព័រហ្វេសប៊ុក Siv mey Online Shop តាមរយៈអ្នកស្រីបានបង្ហាញមុខជួយ ដល់កិច្ចការសប្បុរសធម៌ក្នុងសង្គមជាច្រើនកាលពីពេលកន្លងៗមក និងក៏ដូចជាពេលកន្លងទៅថ្មីៗនេះ ។
ជាក់ស្តែង កាលពីថ្ងៃទី៣ ខែឧសភា ឆ្នាំ២០២០ អ្នកស្រី អ៊ាន សៀវម៉ី បានចែកអំណោយ ទៅដល់បងប្អូនប្រជាពលរដ្ឋក្រីក្រចំនួន ៩០ គ្រួសារ នៅក្នុងភូមិស្វាយសាក់ ឃុំពោធិ៍ទី ស្រុកស៊ីកណ្តាល ខេត្តព្រៃវែង ដោយក្នុងនោះក្នុងមួយគ្រួសារ ទទួលបានអង្ករ ទឹកសុទ្ធ១កេះ ទឹកក្រូច១កេះ ទឹកត្រី១យួរ ត្រីខ ប្រេងឆា សារ៉ុង ស៊ុបប្រាយលាងដៃ និងថវិកាចំនួន៤០.០០០រៀល) ។
ជាមួយនឹងអំពើដ៏សប្បុរសធម៌នេះ ឃើញថាបងប្អូននៅក្នុងបណ្តាញសង្គម បានសម្តែងនូវការកោតសរសើរយ៉ាងច្រើន និងជួនពរឲ្យអ្នកស្រី អ៊ាន សៀវម៉ី មានសម្រស់កាន់តែស្រស់ស្អាត និងព្រមទាំងក្រុមគ្រួសារ ជួបតែសំណាងល្អ សុខភាពល្អ និងពិសេសមុខរបរអាជីវកម្មផ្សេងៗ កាន់តែរីកចម្រើនតទៅមុខ៕ ដោយ៖ លឹម ហុង