គិតត្រឹមថ្ងៃទី៤ខែឧសភានេះ រោងចក្រចំនួន១៨០ បានព្យួរប្រតិបត្តិការរបស់ខ្លួន ហើយរោងចក្រចំនួន ៦០ បន្ថែមទៀតនិងឈានទៅរកការព្យួរផងដែរ ដែលកំពុងប៉ះពាល់ដល់កម្មករជាង ១៥០,០០០ នាក់ ដែលត្រូវបានព្យួរការងារបណ្តោះអាសន្នរហូតមកដល់ពេលនេះ ដោយមិនដឹងច្បាស់លាស់ថា នឹងបន្តការងារវិញនៅពេលណា ហើយកម្មករជិត ២០០,០០០ នាក់នឹងត្រូវព្យូរការងារនាពេលខាងមុខឆាប់ៗនេះ ដែល នឹងប៉ះពាល់មិនត្រឹមតែកម្មករនោះ ប៉ុន្តែថែមទាំងសមាជិកគ្រួសារប្រមាណ ២លាននាក់ដែលពឹង ផ្អែកលើពួកគេ។ នេះបើយោងតាមសមាគមរោងចក្រកាត់ដេរ។
ចាប់តាំងពីការអំពាវនាវរបស់យើងកាលពីមុនទៅអ្នកបញ្ជាទិញទាំងអស់កាលពីទី០២ ខែមេសា ឆ្នាំ ២០២០ យើងទទួលបានការប្តេជ្ញាចិត្តអ្នកបញ្ជាទិញមួយចំនួន ដែលសមាគម GMACនិងប្រជាជនកម្ពុជាមានការដឹងគុណ ប៉ុន្តែស្ថានភាពចាប់តាំងពីពេលនោះមកកាន់តែអាក្រក់ជាសកល និងជាពិសេសក្នុងប្រទេសកម្ពុជា។
GMAC យល់អំពីភាពលំបាកដែលអ្នកបញ្ជាទិញ កំពុងប្រឈមមុខ ប៉ុន្តែយើងពិតជាអំពាវនាវយ៉ាងខ្លាំងទៅ អ្នកបញ្ជាទិញទាំងអស់មេត្តាគោរពតាមលក្ខខណ្ឌទូទាត់ប្រាក់សម្រាប់ទំនិញដែលបានទទួលរួចហើយ និងឬដែលកំពុងទិញទាំងអសមេត្តាគោរពតាមលក្ខខណ្ឌទូទាត់ប្រាក់សម្រាប់ទំនិញដែលបានទទួលរួចហើយ និងឬដែលកំពុងដឹកទៅឲ្យអ្នកញ្ជាទិញ។
សមាគមរោងចក្រកាត់ដេថា៖«រោងចក្រនៅកម្ពុជាកំពុងរងគ្រោះរួចហើយពីការលុបចោល ការបញ្ជាទិញជាច្រើននឹងការគ្មានបញ្ជាទិញថ្មីៗ ហើយមិនអាចទ្រាំទ្រនិងការមិនទូទាត់ប្រាក់នោះទេ។ ខណៈផលិតផលកំពុងត្រូវបានធ្វើការនាំចេញ រោងចក្រកំពុងរងគ្រោះរួចហើយពីការលុបចោលការបញ្ជាទិញជាច្រើននិងការគ្មានបញ្ជាទិញថ្មីៗ ហើយមិនអាចទ្រាំទ្រនិងការមិនទូទាត់ប្រាក់នោះទេ»។
សមាគមរោងចក្រកាត់ដេថា ខណៈផលិតផលកំពុងត្រូវបានធ្វើការនាំចេញ រោងចក្ររបស់យើងត្រូវតែទទួលបានការទូទាត់នូវអ្វីដែលត្រូវបានជំពាក់ ហើយការផ្តល់អ្វីតិចជាងនេះ គឺមិនត្រឹមត្រូវនេះទេ។ លក្ខខណ្ឌទូទាត់ប្រាក់អាចពិភាក្សាគ្នាបាន ប៉ុន្តែការមិនទូទាត់ គឺមិនអាចទទួលយកបាន។ ហេតុដូច្នេះយើងសូមអំពាវនាវដល់អ្នកបញ្ជាទិញទាំងអស់មេត្តាទូទាត់បំណុលរបស់ខ្លួន។
កម្ពុជាជាប្រទេសទីមួយក្នុងពិភពលោក ដែលភ្ជាប់ពាណិជ្ជកម្មទៅនឹងស្តង់ដារការងារ។ នៅឆ្នាំ២០០១ យើងបាន ចាប់ដៃគូជាមួយអង្គការអន្តរជាតិខាងការងារ ហើយបានចាប់ផ្តើមកម្មវិធីរោងចក្រកាន់តែប្រសើរ នៅកម្ពុជា ដែលតម្រូវឲ្យរោងចក្រសម្លៀកបំពាក់ ទាំងអស់ក្នុងប្រទេសកម្ពុជាស្ថិតនៅក្រោម ការត្រួតពិនិត្យ ពី ILO ដើម្បីធានាអនុលោមភាពទៅតាមច្បាប់ជាតិនិងអន្តរជាតិ ហើយកម្មវិធីនេះត្រូវបានអនុវត្តរហូត មកដល់បច្ចុប្បន្ន។ យើងមានមោទនភាពចំពោះកេរដំណែលនេះ ហើយនឹងបន្តធានាថាសិទ្ធិការងារនិងសិទ្ធិសង្គម របស់កម្មករយើងត្រូវបានលើកកម្ពស់ ខណៈយើងបង្កើតផ្គត់ផ្គង់ចីរភាពមួយ៕ ដោយ ៖ វីដា