ភ្នំពេញ៖ រថយន្ដ២គ្រឿងបុកគ្នាបណ្ដាលឲ្យមាននាក់រងរបួស២នាក់ និងរងការខូចខាតរថយន្ដយ៉ាងដំណំ ហេតុការណ៍គ្រោះថ្នាក់ចរាចរណ៍ខាងលើនេះបង្កឲមានការភ្ញាក់ផ្អើលកាលពីវេលាម៉ោង១០ និង៣០នាទីយប់ ថ្ងៃទី៤ ខែឧសភា ឆ្នាំ២០២០ ដែលស្ថិតតាមបណ្ដោយផ្លូវព្រៃសកែងនិងផ្លូវនិងផ្លូវ៥០ម៉ែត្រ ក្បែរវត្តប្ញស្សីសាញ់ ក្នុងសង្កាត់ព្រៃស ខណ្ឌដង្កោ រាជធានីភ្នំពេញ។
បើយោងតាមប្រភពព័ត៌មានបានប្រាប់ឲ្យដឹងថា មនុពេលកើតឃើញរថយន្ដមួយគ្រឿងម៉ាកprius ពណ៌ស្ករពាក់ផ្លាកលេខភ្នំពេញ2AW-4701 ដែលធ្វើដំណើរក្នុងទិសដៅពីកើតមកលិចក្នុងល្បឿនលឿន ខណៈពេលមកដល់ចំណុចកើតហេតុ ក៏មានរថយន្ដមួយគ្រឿងទៀតម៉ាករថយន្ត ford PLATINUM ពណ៌សដែលពាក់ផ្លាកលេខភ្នំពេញ2AS-0009 ដែលធ្វើដំណើរក្នុងទិសដៅពីត្បូងមកជើងក្នុងល្បឿនលឿនលុះមកដល់ចំណុចកើតហេតុក្នុងផ្លូវបំបែកជាបួនក៏បានបុកនិងរថយន្ដព្រូសរងការខូចខាតផ្នែកខាងពីចំហៀកខាងឆ្វេងយ៉ាងដំណំ និងបណ្ដាលឲ្យមាននាក់រងរបួសស្រាល២នាក់។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុជួយសម្រួលចរាចរណ៍និងទំនាក់ទំនងទៅសមត្ថកិច្ចជំនាញមកធ្វើការវាស់វែងយករថយន្តទាំង២គ្រឿទៅរក្សាទុកនៅការិយាល័យចរាចរណ៍ជេីងគោក នៃស្នងការដ្ឋាន នគរបាលរាជធានីភ្នំពេញ រង់ចាំធ្វេីការដោះស្រាយគ្នានៅពេលក្រោយ៕
ដោយ៖ CEN